Page 87 - Литература 6 кылаас 2 чааhа

Ону кини ылбыта буолуо дуо? — Сергеев директоры ута-
ры көрдө.

Дария Петровна тугу да диэҕин булбата. Оскуолат-
тан күрэнэн сылдьар уол, оҕолор таҥастарын yopaapы,
күрүлүүр күнүс кэлбэтэҕэ чахчы. Директор киһитин диэ-
ки көрдө. Сергеев билигин даҕаны киһини тонолуппакка
одуулуу олорорун көрөн симитиннэ. «Эдэр да буоллар,
киһини курдары көрөр быһыылаах» дии санаата.

— Атыттар да ылыахтарын сөп.
— Айдаар оҕолор таҥастарын уорарын туһунан би-
лиммэтэх ээ. Оччоҕо? — капитан ыйытардыы көрдө.
— Ол кини билиммитэ-билиммэтэҕэ улахан оруолу
ылбат! — Дария Петровна хадаардаһыах санаата кэллэ. —
Бу милиция үлэһиттэрэ, бэйэлэрэ бэрээдэги олохтуохта-
рын, буруйдааҕы булуохтарын оннугар, наар көмүскэһэр
хайысханы тутуһаллар.
— Оннук буолбатах! Бэйэтэ билиммэт, атыттар көр-
бөтөх буоллахтарына, кини буруйун хайдах дакаастыыгын?
— Ону дакаастааһын эһиги үлэҕит буолар.
— Биһиги буруйа суоҕу сымыйанан балыйан суукка
киллэрэр санаабыт суох, — Сергеев кытаанахтык эттэ. —
Аҕата барбытын кэннэ, баҕар, көннөрүнүөҕэ. Ийэтэ анал-
лаах оскуолаҕа ыыппакка көрдөһөр.
— Оттон үөрэҕэ? Олох тугу даҕаны билбэт дии. Үөрэх
дьыла түмүктэнэрэ бу кэллэ, — директор кыйаханна.
«Хайдах эрэ гынан уолтан босхолоно охсуохтарын баҕа-
раллар» дии санаата капитан. Өйүгэр Соргоева киниэхэ
үлэтин туттарарыгар: «Айдаар миигин хаан өстөөҕүн курдук
көрөр», — диэбитин санаата. Соргоева үлэтиттэн тохтуу-
рун билэр буолан, бу уол дьыалатын оҥорууга көтүмэхтик
сыһыаннаспыт. Саатар хас күҥҥэ үөрэммэтэҕин, ыаллар
балконнарыттан хаста, тугу уорбутун чуолкайдаабатах.
Доҕотторо кимнээҕий? Туох буруйу оҥорбуттарый? Оҕо
хоһун учуотугар тураллар дуо? Ол эмиэ биллибэт. Соҕо-
тох оскуола администрациятын, үөрэх куораттааҕы отде-
лын туруорсуулара эрэ баар.
— Үөрэҕин ситиспэтэ ол — туспа дьыала.
— Хайдах «туспа»? Оскуолаҕа сылдьара биитэр сыл-
дьыбата көҥүлэ дуо?

87