Page 82 - Литература 6 кылаас 2 чааhа

төһөҕө да кытаанах, кутталлаах буолааччы. Доҕоттордоох
буоллаҕына, куттаммытыҥ, дьулайбытыҥ иһин син са-
нааҥ бөҕөх, өйөбүллээх курдук сананаҕын.

Командирдара Махно, өскөтө ас суох буоллаҕына, та-
ҥас, ордук тэллэх, суорҕан наадатын эппитэ. Билигин ки-
нилэр өҥө-дьүһүнэ биллибэт буолбут матарааска таҥныбы-
тынан утуйаллар. Онтулара да тиийбэккэ, сорохтор сиргэ
сыталлар.

Уулуссалар быһыта охсуһар сирдэригэр светофор уота
кыламныыр. Уол медицинскэй училище аттынан уулусса-
ны туораата. Түөртүү мэндиэмэннээх дьиэлэр диэки бар-
да. Биир дьиэ аттынан ааһан иһэн үөһэ хантайан көрдө.
Балкон субу үрдүгэр барыйан турар, «миэхэ таҕыс, ытын»
дииргэ дылы. Уол тулатын эргим-ургум көрүннэ. Ханнык
да киһи уорбалыаҕын булбата. Бэл, киирэр ааҥҥа уот
көстүбэт, хараҥа. Илиитэ салҕалыы-салҕалыы тимирдээх
күрүчүөгүн уһун ураҕаһын төбөтүгэр ииллэ. Маһын үөһэ
уунна. Дэбигис иилэ охсубата. Антах балкон тимирэ тыа-
һаата. Ол эрээри син ииллэ. Быатын тардыалаан көрдө,
ыйаастан ылла. Кытаанах. Киһини уйууһу. Уҥуоҕа хамсаа-
быт, салҕалаабыт. Онтун аһараары, илиитигэр силлээтэ
итиэннэ быаттан тардыһан, үөһэ тахсыбытынан барда.
Балкон кырыытыгар тиийэн, балайда ыйаастан турда,
атахтара салгыҥҥа ыйаннылар. Өй ылан, быатын кыпчый-
да. Ол курдук тэйгэҥнээмэхтээн иһэн, балкон туруо-
ру тимириттэн аҥаар илиитинэн харбаата. Иккис илии-
тигэр атын тимиртэн тутуста. Сотору тардыстан тахсан
кэллэ. Балкон кырыытыгар туран өҥөйөн көрдө. Муннук-
ка дьааһык таҥаһынан сабыллан турар. Ити иһигэр туох
баара буолла? Хас да куул, рюкзак көстөр. Өссө быаҕа
сууйуллубут наскылар, маайкалар ыйанан тураллар. Ай-
даар тохтоон иһиллээтэ. Сүрэҕин тыаһыттан ураты тугу
да истибэтэ. Бэркэ сэрэнэн, куоска курдук чэпчэкитик
балкон иһигэр ыстанан түстэ. Дьааһык таҥас сабыытын
арыйа тарта — луук, чеснок сыта муннугар саба биэрдэ.
Ол кэмҥэ тоҥолоҕо тугу эрэ таарыйарга дылы гынна, ону
кытта иһит сууллан түспүт тыаһа таҥкынаата, туох эрэ
тоҕунна. Сонно тута дьиэ иһигэр ыт үрэн тоҕо барда, субу

82