Page 79 - Литература 6 кылаас 2 чааhа

скай тэрилтэ эйиэхэ наставнигынан,.. суох иитээччинэн,..
көмөлөһөөччүнэн анаата, — кыыс бутулунна. Сонун устан
ыйаата, икки чанчыгын баттаҕын үөһэ анньыталаата. Кэ-
лэн остуолга уолу утары олордо, тута сылдьар уопсай тэ-
тэрээтин иннигэр уурунна.

— Төрөппүттэриҥ ханна баалларый?
— Үлэлэригэр. Кинилэргэ туохха наадыйдыҥ? — уол
ааҕан испит кинигэтин сабан кэбистэ. «Миигин оҕолор
таҥастарын уорар диэн үҥсээри гынара буолуо», — диэн
санаата.
— Соччолоох наадам суох, көннөрү кэпсэтээри, бил-
сиһээри гыммытым, — кыыс иннигэр сытар тэтэрээтин
арыйда. Боччумурда, уостарын ньимиттэ. — Үөрэххэр мөл-
төх эбиккин. Ордук алгебраҕа, химияҕа, историяҕа.
«Историяҕа». Эмиэ, сымыйалаата. Историяҕа бэҕэһээ
түөрдү ылбыта. Ити саамай сөбүлүүр предметэ. Иккитэ
суох буолуохтаах.
— Нуучча тылыгар, физикаҕа эмиэ, — кыыс утары
хайыста. Люба уол харахтара тымныыларын көрдө, си-
митиннэ. Ол эрээри холкутуйа сатаата. «Маннык өһөс
уолу кытта хайдах кэпсэтиннэрээри гыммыттарай» диэн,
мөҥүттэ санаата.
— Быһата, үөрэххэр куһаҕан эбиккин. Маннык буол-
лаҕына, чиэппэргэр ситиһиэ, кылааскын бүтэриэ суох-
хун, — кыыс тэтэрээтин илииһин арыйда. — Аны кэлин үс
күҥҥэ оскуолаҕар сылдьыбатаххын.
Айдаар сымыйа диэн мөккүһүөх курдук санаан иһэн
тохтоото. Син биир итэҕэйиэхтэрэ суоҕа. Дьиҥэр, кэлин
нэдиэлэ курдук барытыгар сылдьыбыта, бүгүн эрэ биир
уруогу көтүттэ. Ону хайдах оруо маһы ортотунан итинник
этэллэрий?
— Өссө, — кыыс тэтэрээтин илииһин салгыы арый-
да. — Өскөтө инникитин бу итэҕэстэргин туораппатаххы-
на, милицияҕа биллэриэхпит. Итинник эппиттэрэ.
— Милициялар миигин хайыахтарай?
— Суукка биэриэх, аналлаах оскуолаҕа ыыттарыах
буолаллар, — кыыс туох да буолбатаҕын курдук холкутук
хардарда. — Онон үөрэххин кичэй, уруогу көтүтүмэ. Туох
эмэ ыйытардааххын дуо?

79