Page 75 - Литература 6 кылаас 2 чааhа

даар саҥата суох харчыны ылан, дьон быыһынан кассаҕа
чугаһаата. Харчытын түһэрэн баран, икки билиэти быһа тар-
дан ылла, биирдэрин сиэбигэр угунна, атынын мааҕыҥҥы
киһитигэр уунна.

— Баһыыба, — хара бытыктаах киһи эргиллэн билиэ-
тин ылла.

«Баһыыба!» Туох иһин? Албыннаабытын иһин дуо?
Аны ону билээрэй? Уол, дьиксиммит курдук, халлаан
күөҕэ курткалаах киһини кэнниттэн одууласта. Киһитэ ин-
нин диэки тонолуппакка одуулаһа турар, уҥа илиитинэн
үөһээҥҥи сис тимиртэн кытаанахтык тутуспут.

«Баһыыба!» Туох иһин? Арааһа, үчүгэй дьээдьэ быһыы-
лаах. Төһө да тордох курдук бытыктанан суостаах курдук
көстүбүтүн иһин, итинник киһи арыгыһыт, күлүгээн, маа-
тыраһыт буолуох туһа суох. Кини эмиэ итинник аҕалааҕа
буоллар... Өрөбүлгэ иккиэн хаҥкылыах, хайыһардыах
этилэр. Ону баара кини аҕата арыгыттан атыны билим-
мэт, тыла барыта үөхсүү, маатыра, ыһыы-хаһыы... Аҕа. Со-
рох оҕолору көрөн, кини төһөлөөх ымсыырарый? Аҕалар
оҕолорун кытта тэҥнээх дьон курдук кэпсэтэллэр, бииргэ
сылдьаллар, сынньалаҥ күннэригэр кулуупка, театрдар-
га, араас күрэхтэһиилэргэ өрүү бииргэ буолаллар, хаһан
даҕаны арыгыны испэттэр. Киниэхэ итинник аҕа түбэспэ-
тэх да буолан!

Уол итинник санааҕа баттатан, аэровокзал аттыгар тии-
йэн кэлбиттэрин билиминэ даҕаны хаалла. Автобустан
түһэн, дьону батыһан вокзалга киирдэ. Дьэ манна эбит, киһи
элбэҕэ диэн. Көтөр билиэти регистрациялыыр сиргэ сото-
ру-сотору халыҥ уочарат, үтүрүһүү, анньыһыы улахана буо-
лар. Самолёттар быыстала суох көтөллөр. Ол эрээри вок-
залга киһи аҕыйаабат. Хата, өссө элбээбиккэ дылы буолар.

Уол аллара төттөрү-таары хаампахтаан иһэн, үөһэ та-
ҕыста. Манна эмиэ киһи лыык курдук, иллэҥ миэстэ отой
суох. Сорох олорор, сорох сытар. Сорохтор түннүктэр ко-
лодаларыгар, атыттар хаһыаты тэлгээн баран сиргэ сы-
таллар. Аны туран милиция формалаах дьон сотору-сото-
ру төттөрү-таары хаамсаллар. Манна бэрээдэк, хонтуруол
кытаанах быһыылаах.

75