Page 70 - Литература 6 кылаас 2 чааhа

СЕМ¨Н ИННОКЕНТЬЕВИЧ ВИНОКУРОВ
(1937—2000)

Ааҕыы, сэһэргэһии

Икки суол төрдүгэр

(Сэһэнтэн быһа тардыы)

Айдаар атах-балай сүүрэн истэ. Ханна барарын бэйэ-
тэ да билбэт. Бэҕэһээ итирик аҕатын ыарахан сутуруга
«ыаллаабыт» сирэ — ойоҕосторо билигин даҕаны уотунан
аһыйаллар. Хас күн ахсын итирик аҕатын көрөртөн, үөхсэр
быдьар тылын истэртэн салҕан хаалла.

Бүгүн, бэҕэһээ киэһээҥҥи айдааҥҥа уруогун ситэ
үөрэппэккэ тиийэн, алгебраҕа иккини ылла. Билигин үлэ-
тин кэнниттэн быдан «чэпчээн» кэлбит аҕата, үгэһинэн,
остуолга биир бытыылканы туруорда.

— Үрүүмкэтэ! — үөгүлээтэ. Айдаар, эмиэ холуон холорук
саҕаланаары гыммытын сэрэйэн, этэ-сиинэ тымныйан ылла.

— Оргууй хаһыытаа. Оҕоҥ бэҕэһээ уруогун аахпак-
ка тиийэн, бүгүн эмиэ иккини ылбыт, — ийэтэ куукунаҕа
астана сылдьан, ыскааптан үрүүмкэни ылан остуолга уур-
да. — Бу эн хаһан тохтуур киһигиний? Биир эмэ күҥҥэ
арыгы испэккэ өрөөн көрүөххүн.

— Үлэбэр борогууллаабаппын, хамнаспын арыгылаа-
баппын. Бу холтууралаан булбут харчым, — аҕата, куотуо
диэбиттии, остуолга турар бытыылканы эһэ охсон ылла,
бүөтүн төлө биэрдэ. Салҕалас илиитинэн үрүүмкэҕэ ку-
тунна итиэннэ биир тыынынан түһэрэн кэбистэ: — Аа-а,
бардаҕа тугун үчүгэйэй.

— Киһи аатыттан ааһан эрэҕин. Оҕоҕун даҕаны санаа-
баккын, — ийэтэ килиэптээх вазаны, котлеттаах тэриэлкэ-
ни киһитин иннигэр сыҕарыччы аста.

— Оҕобун санаабат үһүбүн дуо? Киһи буоллун, үчү-
гэйдик үөрэннин диэн, күн ахсын үөрэтэбин-такайабын
буолбат дуо?! Киниэхэ туох нааданый? — аҕатын сирэйэ
улам-улам кубарыйан истэ. — Аһыыр астаах, таҥнар та-
ҥастаах. Ол кэннэ киниэхэ туох нааданый?

70