Page 67 - Литература 6 кылаас 2 чааhа

— Манна эбит ээ. Сабыс-саҥа. Бу — кини. Чэ бэйэ,
доҕоор, байанай, — диэн баран, саатын өрө туппутунан
ойуурга туора хааман тахсан, саһан олорбута.

Бу бириэмэҕэ Чүөчээски булчут испиискэтин таһаара
отууга өрө сүүрэн тахсан испитэ.

Түүлээх Уллуҥах, Чүөчээски тыаһын эрдэттэн истэн оло-
рон, саатын курааҕын туруоран олоорто. Маны тэҥинэн горн
тыаһын эмиэ истибитэ. Сүрэҕэ «парк» гыммыта: «Чэ, ман-
на иһэллэр, хайыам буолла» дии саныы, кыһыйа, кыбдьы-
гырыы олордоҕуна, Чүөчээски бу чорос гына түспүтэ.
Инньэ гынарын кытта Түүлээх Уллуҥах: «Ээ, синэ биир»
дии санаабытынан, Чүөчээскини кыҥаабытынан баарта...
Биэс-алта хаамыыны ааһарын кытта, көхсүн хараҕын көрөн
баран, саатын тардан кээстэ... Бинтиэпкэ саа тыаһа чус
гыммыта, буулдьа тиийэн, Чүөчээски көхсүгэр баар ботуоҥ-
калаах кинигэтигэр саайбыта... Оҕо умса баран түспүтэ...
Түүлээх Уллуҥах: «һаай!» — диэбитэ. Ситэри салгыы ох-
соору, быһаҕын сулбу тардан ылан баран, оҕо диэки ба-
ран испитэ. Онуоха Чүөчээски соҕотохто тура эккирээбитэ:
«Бэрин!» — диэбитинэн, Түүлээх Уллуҥаҕы кулгаах тааска
пугаһынан ытан дөйүппүтэ. Түүлээх Уллуҥах соһуйан, икки
хараҕын тиэрэ көрөн кээстэ. Быһаҕын, саатын ыһыктан ба-
ран, салҕаластыы турбута.

— Түөкүн, чэ, туруоҥ дуо? Хамсаама! Адьас илиигин-
атаххын хамсатыма! — дии-дии, Чүөчээски пугаһын кыла-
бачыппыта, сирэйигэр-хараҕар тирээмэхтээбитэ... Түүлээх
икки илиитин өрө уунан, сыҥааҕын адьас ыһыктан, хараҕын
өҥүргэһинэн көрөн баран, титирэстии-титирэстии, киһи
кулгааҕа дөйөрүнэн, тыа баһа айманарынан хаһыытаан хайа
барбыта. «Бу пионердар бэстилиэттээх буолар эбит буол-
лахтара, ону билиминэбин... абам даа» дии саныы-саныы,
титирэстии-титирэстии, иҥиирэ-силгэтэ күүрэ-күүрэ, айаҕа
кытара-кытара хаһыытаабыта. Онуоха Чүөчээски улаханнык:

— Уурай! — диэбитэ. Түүлээх онтон тохтоон, ынчык-
тыы-ынчыктыы баран испитэ, Чүөчээски кэнниттэн тирээн
испитэ...

Начаас гынан баран, Түүлээх Уллуҥах куттаммыта ааһан,
санаа булан эппитэ:

67