Page 63 - Литература 6 кылаас 2 чааhа

гэр иччитин иккитэ-үстэ түҥнэритэ көтүөлээн кэбистэ. Эк-
кэлээ да эккэлээ, салаа да салаа буолла. Чүөчээски биир
оннук үөрдэ, кууһан ыла-ыла, ытын таптаата. Онтон уос-
куйан баран, эһэтигэр тиийэн, таҥаһын ылаары гыммыта,
эһэтэ бобо кууһан баран сытар эбит. Ону бастаан судургу
сулбу тардан ылыах курдук гынан баран дьулайда. Эмиэ
быһыччатын ылан, эһэтин аргыый дьөлө аста, эһэтэ, куо-
лутунан, хамсаабата. Маныаха эр ылан, таҥаһын эһэтин
анныттан былдьаан ылан кэттэ. Онтон эппиэтэ суох: «От-
тон мин эйигин амсайдаҕым ээ», — дии-дии, быһычча-
тынан эһэ буутун быһан отуойдаабытынан барда. Быһыч-
чата хоторо диэн ыраас.

— Ити буоллаҕына, мин эйигин хайаан да сиэн арах-
сыахтаахпын, — диэн баран, Чүөчээски баһыгар ыстанан
тиийдэ. Тиийэн эһэтин айаҕын мутугунан олуйан атыт-
та, онтон тылын сулбу ойутан таһаарда. Инньэ гынна да,
тылын быһан ылла.

Дьэ мантан антах Чүөчээски, уот оттон, тордуйатыгар
баран, били муус сиэбит сириттэн муус аҕалан чэйдии,
эһэтин тылынан эбиэттэнэ олордо.

? Ыйытыылар уонна сорудахтар

1. Суруйааччы Натааны тоҕо «... эппиэтэ суох сайылыгар
тиийэн көтөн түстэ» диирий?

2. Хорсун сүрэх, дьиҥ доҕордоһуу күүһүн туһунан аар
тайҕа баһылыга — эһэни кытта күөн көрсүһүүгэ
тирэҕирэн кэпсэтиһиҥ.

IV

Чүөчээски Түргэнин ыҥыран, хааман испитэ. Кини
иһэрин, өлүү түбэлтэлээх, Түүлээх Уллуҥах уҥуор «куо-
бахтыы» тахсан иһэн көрдө. Көрөн саҥа аллайда:

— Бай, бу байанайы көрүҥ эрэ! Бу маҕайкаан, хор,
бу сылдьар эбит дии, — диэн баран, саһан дьылыс гын-
на. Талах кэтэҕинэн кытыл устун быһыкка сүүрэн тиий-
дэ. «Ууга тимирдиэххэ үчүгэй» дии санаата. Били далаһа

63