Page 59 - Литература 6 кылаас 2 чааhа

Наһаар бэркиһээтэ, кыһыйда даҕаны:
— Туох сараһыный, доҕоор! Барбыта-кэлбитэ көстү-
бэт! — диэн эрэ хаалла.

***
Чүөчээски аҕатын быһыытын тыллыырга санаа ылынна,
оройуоҥҥа барыан ыарырҕаата. Таайа, Дьорҕоотоп диэн
партиялаах киһи, Дьиэбэгэнэ үрэҕэр уоппускатыгар кэ-
лэн, саалана олороро. Ол киниэхэ барарга сананна. Ин-
ньэ гынан, Тааттаны быһа быһытынан туоруом диэн, баран
истэ. Тааттатын үрдүгэр адьас киэһэ тиийдэ. Тиийэн көр-
бүтэ: уу бөҕө кэлэн эрэр эбит. Таатта көрсүө, мөлбө бэйэ-
тэ тиэтэйбит, сүүрүгэ күүһүрбүт. Дьон суоллара-иистэрэ
бу быһытынан туоруур эбиттэр: икки маһынан далаһа бы-
рахпыттар, ол онон сылдьаллар быһыылаах. Чүөчээски
эмиэ бэрт нэһиилэ бу далаһа устун этэҥҥэ таҕыста. Ыта
Түргэн харбаан туораата.
Тахсан баран, суола суох сир устун (быһытынан суол суох
этэ), талаҕы, маары быыһынан, Таатта сиһин диэки, «сотору
суолга киириэм» дии санаан, Чүөчээски баран истэ. Бу икки
ардыгар им ырдьаччы сүтэ быһыытыйда. Чүөчээски, арыый
сырдыкка суолугар киирэ охсоору, аны сүүрүү былаастаах
хаамыынан айаннаата. Суола кэллэр кэлбэтэ, маара, талаҕа
бүттэр бүппэтэ. «Туох баҕайытай?» диэн санаан, Чүөчээс-
ки өссө түргэтээтэ, аҥаардас сүүрүүнэн барда. Балай эмэ
сүүрэн баран, уҥа быһыытыйан, тохтуу биэрдэ. Көрбүтэ —
имэ букатын сүтэн, хабыс-хараҥа буолан хаалбыт, бэйэтэ
буоллаҕына, лоҥкур сис тыа ортотугар киирэн турар эбит.
«Аны мунуом» диэн санаа көтөн түстэ да, Чүөчээски,
өрүһүспүт курдук, иннин диэки туох да харса суох хар-
быалаһа турда. Балай эмэ өр барда. Икки атаҕа адьас
улук буоллулар. Сырата-сылбата быһынна, иһэ баранна,
таҥаһыттан таҥас орпото, от-мас хайыта тыытан бараа-
та. Умса-төннө түһэн-түһэн баран, арай биирдэ өйдөөн
көөртө — быыкаайык, бүтүннүү маар муҥур үрүйэ саҕаты-
гар кэлэн турар эбит.
— Чэ, муннум, — диэтэ Чүөчээски уонна олоро түһэн,
ытаабытынан барда. Ытаан-ытаан баран, устунан утуйан

59