Page 64 - Литература 6 кылаас 2 чааhа

элээмэтигэр ыстанан тиийдэ. Далаһа мастарыгар астах-
ха, түөрэ ыстанар гына мас олуйа бырахта. Уонна быһыт
хаспаҕар эрбэһини күлүктэнэн, саһан сытта. Бу бириэмэ-
ҕэ арҕаа диэки горн тыаһаата. Инньэ гынарын кытта, оҕо
атаҕын тыаһа тибигирээн, быһыт үрдүгэр сүүрэн кэллэ.
Кэлэн эппиэтэ суох далаһаҕа киирбитинэн барда. Бии
үнүргү уу өссө эбиллибит. Быһыт уутун сүүрүгэ куп-куугу-
нас, ньип-ньирилэс буолбут. Аллараа өттө чөҥөрүйэн ба-
ран, үрүҥ күүгэнинэн өрө оргуйа турар. Маныаха Чүөчээс-
ки кыһаммата, дьэ далаһаҕа үктэммитинэн барда. Ыта
Түргэн, уу иһээри, аллара ойон киирбитэ. Онтон тоҕо эрэ
үрэн тоҕо барда. Чүөчээски маныаха кыһаммата, хата,
Түргэнин ыҥыра-ыҥыра, далаһа устун тахсан истэ. Орто-
луу тахсан истэҕинэ, далаһата хайдах эрэ көһөргө дылы
гынна да, Чүөчээски хаһыытаабытынан ууга ойон түстэ,
тимис гынна, күнэ эрэ кытар гынан ааста. Сотору соҕус
гынан баран, күөрэс гына түстэ, тайах гыныам диэн ыл-
быт маһын мииммитинэн, иккиһин тимирбэккэ, сүүрүк
устун таҥнары бара турда... Хайдах да буолтун бэйэтэ да
билбэтэ, арай тимирэ-тимирэ күөрэйэн, чачайа-чачайа,
күнэ эрэ кытаран көстө истэ...

Түүлээх Уллуҥах өндөс гынан көрбүтэ: уола сүүрүк
устун таҥнары баран эрэр эбит.

— Дьэ бэйэ, харбаабат курдук эбиккин ээ... Ол чүөм-
пэҕэ тиийдэргин, — диэн баран, ырбас гынан, кэтэһэн сыт-
та. Бу икки ардыгар дьон саҥата баллыгырастылар. Түүлээх
Уллуҥах, куттанан тура эккирээн, талах быыһыгар түһэ ох-
сон хаалла... Бии дьон саҥалара аастылар, биллибэтилэр.

Чүөчээски түһэригэр Түргэн уу кытыытыгар үрэ тур-
бута. Түһэрин кытта сытырҕалыы-сытырҕалыы өрө мөхсө
түспүтэ уонна, ыйылыы түһэн баран, кытыы устун төт-
төрү-таары сүүрэкэлээбитэ. Онтон эппиэтэ суох иччитин
диэки харбаан киирбитинэн баарта. Тоһуйа киирбэккэ,
туһунан киирэн куоттаран кэбиспитэ, инньэ гынан кэн-
ниттэн эккирэтэн испитэ. Балай эрэ өр гынан баран, хар-
гыга тиийэн ситэ баттаабыта. Ситээт, сонун тэллэҕиттэн
хабан ылан, дьэ этириэс кытыы диэки дьулуруйбутунан
баарта. Инньэ гыммыта да, утаакы гымматаҕа, иччитин

64