Page 66 - Литература 6 кылаас 2 чааhа

— Тыый, кэлбит эбиккин дуу, Түргэн? Кэлбитиҥ өр
буолла дуо? Сыппытыҥ дуо? — диэбитинэн Чүөчээски ол-
бу диэки көрүөлээтэ. Ол көрдөҕүнэ, ити курдук биир курту-
йах сытар. Ыстанан тиийэн ыл. Үөрүүгэ, куртуйаҕы эйэҥнэ-
тэ-эйэҥнэтэ, сыгынньаҕын үҥкүүлээн чырбайыы буолла...

Бу түүн, горн тыаһын иһиллии-иһиллии, Чүөчээски хонно.
Өнньүөскэ от баарыгар, онно киирэн сытта. Кини: «Сарсын
горн эмиэ тыаһыа, оччоҕо барыам» дии санаата. Сарсыарда
туран, адьас барарга бэлэм гына оҥостубута: кинигэтин ба-
рытын хаалаан, ботуоҥкатын быатын бэрэмэдэйдии сүгэн
кэбистэ. Кини бу курдук сүгэр буолта хас да хонно, оччоҕо
от-мас тарпат, саннын кэлтэччи баттаабат, адьас көхсүгэр
түбэһэр этэ. Бэргэһэтэ ууга баран хаалан, былаатын, быр-
дахтан баанар курдук, түһэрэн кээстэ. Быһаҕын атаҕар ук-
тубута, пугаһын куругар кыбыппыта уонна дьэ горн тыаһын
кэтэһэ сыппыта.

Ол сыттаҕына, хойукку күнүскү ынах саҕана, горн ыҥы-
рыыта: «Тру-ту-ту», — диэн кээлтэ, Чүөчээски, иһиттиэм-ис-
тибэтиэм диэбиттии, ойон турбута. Онуоха бии булчутун
испиискэтэ халыр гына түспүтэ. Ону тутан көрөн баран:
«Кэбис, киһи испиискэтин», — диэбитинэн, отуутугар ыс-
таммыта. Баран иһэн ытын: «Хаал, сыт, билигин кэлиэм», —
диэбитэ. Хайаны өрө сүүрэн, отуу диэки тахса турбута.

Бу бириэмэҕэ горн тыаһа бэттэх чугас, бэтэрээ эҥээр-
гэ курдук иһиллибитэ. Бу — кырдьык этэ. Пионердар
Чүөчээски бу эҥээргэ баарын эмиэ билбиттэрэ. Ол иһин
бүгүн эмиэ горннарын, барабааннарын илдьэ комсомо-
лецтары кытта көрдүү тахсыбыттара. Горннара, барабаан-
нара тревога сборун оонньуу испиттэрэ. Горну Чүөчээски
бастыҥ доҕоро Марат үрэрэ, оттон барабааны Петя уол
тыаһатара. Ньиргиэр-ньаргыар, музыка буолан, оту-маһы
сэргэҥнэтэн, кыһыл хаалтыстара тэтэрэн, оҕолор хаам-
сан испиттэрэ...

Бу тыаһы кытта тэҥҥэ, өссө арыый урутаан, тыаһа суох,
Түүлээх Уллуҥах, саатын тутан баран, эмиэ испитэ. Кини
булчут ыллыгар түбэһэн баран, суоллаан отууга тиийбитэ.
Тиийэн били Чүөчээски хатыҥҥа дьөлө быспыт икки буу-
кубатыттан хараҕа иҥнэ түспүтэ.

66