Page 71 - Литература 6 кылаас 2 чааhа

— «Үөрэтэбин-такайабын», — ийэтэ үтүгүннэ. — Ол эн
итирэ-итирэ кырбыырыҥ, үөхсэриҥ үөрэх үһү дуо?

— Оччоҕо хайыыбын? Кинини кытта оскуолаҕа биир-
гэ сылдьабын, паартаҕа олорон үөрэнэбин дуо? — аҕата
арыгыттан эмиэ истэ. — Оччоҕо үлэм?

— «Үлэм». Маннык арыгыһыт киһи туох аанньа үлэлээх
үһүгүн. Мин көрдөхпүнэ, наар арыгылаан тахсаҕыт, — ийэтэ
кэлэйбиттии остуолтан тэйэ хаамта — Маннык буоллаххы-
на, начальниккар үҥсэн дьүүллэттэххэ сатаныыһы. Оҕоҕун
кытта итирбэккэ-кутурбакка күн өйгүнэн биирдэ эмэ кэп-
сэппитиҥ дуо? Суох! Оскуолаҕа биирдэ эмэ сырыттыҥ
дуо? Суох! Күн ахсын билэриҥ эрэ — арыгы.

Ийэтин тылларыттан аҕата эбии кыйаханна. Испит ары-
гыта төбөтүгэр тахсан холуочуйан, тыла булдьуйан барда.

— Миигин үҥсэҕин? Тоҕо? Туох ааттаах сирэй-харах
анньыллыытай! Ити буоллаҕына, мин кинини үчүгэй аҕай-
дык... — аҕата туран, тэмтээкэйдии-тэмтээкэйдии, хос диэ-
ки кэллэ. Ийэтэ ааны бүөлүү турда.

— Эмиэ кырбаары гынныҥ дуо?! Олох киллэриэм суоҕа!
— Киириэм! — аҕата, кыбдьыгырыы-кыбдьыгырыы,
ийэтин халбарыччы анньа сатаата, таҥас хайдар тыаһа
иһилиннэ. Ийэтэ часкыйа түһээт, киһитин антах аста.
Иһит-хомуос алдьанар, устуул охтор тыаһа баара. Уол сон-
ноох бэргэһэтин ылаат, таһырдьа ыстанна. Ол тахсан бу
сүүрэн иһэр.
«Аны дьиэбэр хаһан да эргиллиэм суоҕа! Кэһэйиэх-
тэрэ» ийэтин ытаабыт-соҥообут мөссүөнүн санаат, уйа-
дыйыах курдук буолла. «Улааттахпына, мин кинини кэһэ-
тиэм! Син биир кыайыам!» — Айдаар хабырынна, онуоха
тиистэрэ бэйэ-бэйэлэригэр аалсан кычыгырастылар,
уоһун хам ытырда. Аны аҕата наадата суох! Улаатыа,
күүһүрүө. Оччоҕо биирдэ кэлэн, аҕатын саҕатыттан ылан
сахсыйан биэриэҕэ. Оттон ийэтэ? Айдаар ийэтин санаа-
бытыгар дууһатын түгэҕэр сылаас сүүрээннэр охсуллан
аастылар. Улаатыа. Оччоҕо ийэтин кытта аҕата кыайан
тиийбэт сиригэр ыраах да ыраах барыахтара, онно айдаа-
на суох олоруохтара, кини ийэтин үлэлээн иитиэ-аһатыа.
Кылаабынайа, түргэнник улаата охсуохха наада.

71