Page 72 - Литература 6 кылаас 2 чааhа

Уол биирдэ өйдөммүтэ, икки мэндиэмэннээх таас дьиэ
аттыгар кэлэн турар эбит. Ханна барыахха? Айдаар үрдүк ки-
рилиэһинэн иһирдьэ киирдэ. Автовокзал иһигэр киһи лыык
курдук. Киирэн, иллэҥ миэстэ баарыгар олорунан кэбистэ.
Киирии-тахсыы элбэх. Радионан ханнык нүөмэрдээх автобус
ханна барарын биллэрэллэр. Оччоҕо сүпсүлгэн үксүү түһэр,
таһаҕастарын туппут дьон кэтэх аанынан таһырдьа субуһал-
лар. Сотору автобуска олорон айанныы тураллар. Айдаар
итини көрө олорон, утуйуох санаата кэллэ. Бириэмэ даҕаны
ыраатта. Кэнникинэн автовокзал иһигэр киһи аҕыйаата.

Уол биирдэ өйдөммүтэ, олорбутунан утуйбут эбит.
Хара халааттаах дьахтар дьиэни сууйа сылдьар. Эмиэ
кини курдук олорбутунан утуйбуттар бааллар. Үөһэ истиэ-
нэҕэ турар электрическэй чаһы сарсыарда биэс чааһы
көрдөрөр. Айдаар уу иһиэн баҕарда. Киирэр аан таһы-
гар ортолуу иһиллэн иһэн хаалбыт лимонад бытыылката
турарыгар хараҕа хатанна. Ол таһынан хаста да ааста.
Ылыаҕын хайдах эрэ кыбыһынна. Аны дьон көрүөҕэ, оч-
чоҕо уулуссаҕа бырадьаага сылдьар оҕо диэн, милиция-
ҕа ылыахтара. Ол эрээри ууну иһиэн баҕарбыта сүрдээх.
Ким да көрбөтөр ханнык диэн, бэркэ сэрэнэн, бытыылка
аттынан ааһан иһэн, таарыччы харбаан ылла. Дьону авто-
буска олордор кэтэх аанынан таһырдьа тахсан кирилиэс-
кэ туран, бытыылкалаах ууну иһэн кэбистэ. Бытыылкатын
элитээри илиитин уунан иһэн тохтоото. Хата, сарсыарда
туттаран, буулка ылан үссэниэҕэ. Өссө биир-икки бы-
тыылканы буллаҕына, утах иһиэҕэ. Итинник санаат, уол
кураанах бытыылканы кирилиэс анныгар кистии уурда.

Иһирдьэ киирэн оннугар олордо. Ойоҕоһугар уоллаах
кыыс утуктууллар. Кыыс уол тобугар төбөтүн уурбут. Оттон
биирдэрэ олох өйөнөрүгэр тиэрэ түспүт. Иннилэригэр икки
суумка, олор үрдүлэригэр кумааҕыга сууламмыт буулкалар,
бэрэскилэр көстөллөр. Айдаар итини көрөн аччыктаабытын
биллэ, мэктиэтигэр куртаҕа курулаата, буулкалар, бэрэс-
килэр диэкиттэн минньигэс бэйэлээх сыт кэлэргэ дылы
гынна. Итинтэн ылан сиэтэҕинэ? Аны дьон көрөөйөллөр?
Дьиэтигэр итинник бэрэски, буулка элбэх буолара даҕаны,
бу курдук сиэҕин баҕарбат этэ.

72