Page 74 - Литература 6 кылаас 2 чааhа

улахан суумканы тутан баран, кирилиэс аннын, буфеттар
кэннилэрин көрүөлүү сылдьар, өссө туох эрэ диэн мөҥүт-
тэр. Уол оҕонньорго тиийэн бытыылкатын көрдөһүөхтүү са-
наан баран, сапсыйан кэбистэ итиэннэ тэйэ хаамта.

***
Айдаар бу курдук төһө баҕарар сылдьыахха сөп эбит
дии санаата. Мааҕыҥҥы буулкатын тобоҕо сиэбигэр би-
лигин даҕаны баар. Ону аччыктаатаҕына, үссэнэргэ быһаа-
рынна. Аны туран автовокзалга уһуннук сылдьара табыл-
лыа суох. Тоҕо эрэ үлэһиттэр кини диэки уорбалаабыттыы
көрөллөр. Ол иһин сир уларытарга, аэровокзалга тиийэргэ
быһаарынна.
Тахсан уулусса устун Ленин проспегар киирдэ. Он-
тон Туймаада маҕаһыын иннинээҕи тохтобулга 4 №-дээх
автобуска олороору кэллэ. Үлэ чааһа саҥа саҕаланан,
кэлии-барыы элбээбит. Билигин оскуолаҕа үөрэх саҕа-
ланнаҕа. Кылаастарын салайааччыта Нина Николаевна
киирэн, кини суоҕун ыйыталастаҕа, өссө ийэтигэр теле-
фоннаан эрэр буолуохтаах. Арааһа, ийэтин эмиэ оскуо-
лаҕа ыҥырдахтара. Чэ, ыҥырдыннар. Аҕата бу киэһэ
эмиэ итирик кэлиэҕэ, эмиэ кырбыаҕа, үөхсүөҕэ. Ол кэ-
риэтэ маннык сылдьыбыт быдан ордук. Хантан эрэ булан
аһаатахха, өссө туох наада буолуой? Уруок аахпаккын,
аҕаҥ кыыһырбат, кырбаабат, учууталыҥ мөхпөт, ийэҥ
ытаабат. Барыта көҥүл. Быһата, чыычаах оҕото күөх хал-
лааҥҥа көҥүл көппүтүн тэҥэ.
Уол автобус кэлбитигэр киирэн, дьон быыһыгар кыбыл-
лан турда. Киирбит дьон кассаҕа харчыны эбэтэр эрдэттэн
атыылаһыллыбыт бэлэм билиэти угаллар уонна кассаттан
билиэти быһа тардан ылаллар. Кини сиэбигэр кэлтэгэй
да кэппиэйкэтэ суоҕун билигин эрэ өйдөөтө. Ол — улахан
буолбатах. Бэрэбиэркэ бэрт дэҥҥэ эрэ түбэһээччи. Онно
тутулуннаҕына, харчым суох диэҕэ. Киниттэн тугу булаллар
эбит. Бэркэ буоллаҕына, мөҕө түһэн баран ыытар инилэр.
— Уолчаан, баһаалыста, биир билиэттэ ылан кулу
эрэ, — диэн саҥа иһиллибитигэр көрбүтэ — биир тордох
курдук бытыктаах дьээдьэ уон харчыны киниэхэ ууммут. Ай-

74