Page 76 - Литература 6 кылаас 2 чааhа
P. 76
Саала уһугар сарадах тимиринэн быысаһан буфет
үлэлиир. Онно айан дьоно аһаан тахсаллар. Уол сиэбит-
тэн буулкатын ылан сиэтэ. Аны уу иһиэн баҕаран кэллэ.
Хантан булар? Көрдөҕүнэ, көрүдүөр уһугуттан уулаах бы-
тыылканы туппут дьахтар бэттэх кэлэн диваҥҥа олордо,
уутун уолугар биэрдэ. Айдаар дьахтар кэлбит сирин диэки
барда. Аан сэгэйэн турарынан өҥөс гынна. Иһирдьэ хас
да кырабаат, онно утуйа сытар оҕолор көстөллөр. Орон-
нор аттыларыгар маамалар олороллор. Уол үрүҥ таҥас
сабыылаах бактаах уу турарын бэлиэтии көрдө. Хайдах
иһэр? Киирэн айаҕын тоһуйуон салынна. Кыратык толкуй-
дуу түстэ итиэннэ били уолугар ууну аҕалбыт дьахтарга
тиийэн кэллэ.
— Тётя, баһаалыста, миэхэ бытыылкаҕын уларсыбак-
кын ээ, уу иһиэм этэ, — албыннаһардыы төһө кыалларынан
намыыннык саҥарда.
Дьахтар уолу бастаан үөһэттэн таҥнары көрөн түһэрдэ,
онтон аллараттан өрө көрөн таһарда. Таҥаһа-саба соччо
эргэ буолбатаҕын, сэнэҕин көрөн, тута сымныы түстэ.
— Баһаалыста. Туһанан баран аҕалаар. Биһиги бэйэ-
бит эмиэ наадыйабыт, — дьахтар аттыгар муостаҕа турар
үүт бытыылкатын ылан биэрдэ.
Айдаар оҕолоох дьахталлар олорор хосторугар турар
бактан бытыылкатыгар куттан ууну астына истэ итиэннэ
мааҕыҥҥы дьахтарга төннөн кэллэ.
— Баһыыбаны кытта, — бытыылкатын аҕалан уунна.
— Хантан сылдьаҕын? — дьахтар уолтан ыйытта.
— Мантан. Ээ, суох, хотуттан, — уол мух-мах буолла.
— Ханналаан иһэҕин?
— Халымаҕа. Суох... Бу... — Айдаар өйүгэр туох көтөн
түспүтүнэн түҥ-таҥ хардарда, бу ыйыталаһан эрийэр дьах-
тартан тиэтэлинэн тэйэ хаамта.
Буфекка киирэн, остуолга сиэниллэн иһэн хаалларыл-
лыбыт бэрэски тобоҕун эһэ тардан ылла уонна сиэбигэр
батары аста. Өссө ким эрэ тугу эмэ ордороорой диэбит-
тии, аһыы турааччылары кэтэстэ. Буфеттан тахсан түн-
нүк анныгар тиийдэ. Били бэрэскитин тобоҕун аҕыйахта
ыстаата. Астыммата. Аны хантан булар?
76