Page 55 - Литература 6 кылаас 2 чааhа

Бу икки ардыгар хойукку биирдэ ыыр буолла, Сардаа-
на сэрбэҥнээн кэлэн, ынахтарын хомуйан барда. Баран
иһэн көрдөҕүнэ — бээгэй ынаҕын муоһугар туох эрэ са-
лыбырыы сылдьар. «Туох туоһун илдьэ сылдьарый?» дии
санаан баран, кыһаммакка, аһаран кэбистэ. Ийэтэ тахсан,
ынахтарын ыы сырытта. Бээгэйигэр тиийэн муоһуттан хар-
баан ылбыта, арай кумааҕы чороччу эриллэн сылдьар.

— Тыый, бу туох кумааҕытай? Хотуой, кэл эрэ, көр.
Сардаана кэлэн ааҕан көрбүтэ, Чүөчээски суруга буо-
лан хаалла. Ийэтэ үөрүүтүгэр үүтүн тоҕо түһэ сыста.
— Ии, оҕобун даа, оҕобун! — дии түстэ. Сүрэҕэ ыарый-
да. Суругун ылан, өрө-таҥнары тута-тута, эргитэ сылдьан
сыллаата, уураата, иэдэһигэр сыһыары туппахтаата. Он-
тон, Бээгэй ынаҕын ыы-ыы, ытыы олордо. Хараҕын уутун
ынаҕын ойоҕоһугар сотто-сотто, эмиэ ыан чуллурҕатта. Кини
оҕотун букатын мэлиппит курдук санаабыта. Бу бөлүүнү
быһа утуйбатаҕа, икки хараҕа оччоччу иһэн хаалбыта. Бү-
гүҥҥү күнү быһа түүл-бит курдук өйүкү-төйүкү сылдьыбы-
та, хайа диэки барарын, тугу да гынарын билбэт буолта.
Ийэ барахсан туох эрэ куһаҕан тахсыбытын, алдьархай
буолтун сүрэҕэ-быара өтө билбитэ. Онтон ынахтарын үсү-
һүн ситэ ыабакка эрэ, оҕотун этиитин толоро охсор са-
наа киирбитэ. Инньэ гынан, дьиэтигэр киирэн, баахыла
оҥорон баарта. Умуһаҕыттан үрүмэ таһаарбыта. Бу икки
ардыгар эрэ Наһаар киирэн кээлтэ.
— Хайа, бу туох баахылатын оҥордуҥ? — диэбитэ.
— Оҕобор өйүө, — диэбитин Натаа кулгааҕа эрэ ис-
тэн хаалта. Кини эриттэн кистиэх санаалаах этэ. Онтука-
тын мүччү этэн кээһэн баран, оҕотуттан сурук ылбытын,
«сайылыкка өйүөтэ тиэрт» диэбитин — барытын кэпсээн
биэрдэ. Ону Наһаар саҥата суох истэн кээстэ. Онтон На-
таа, эт буһаран илдьээри, күлүүһүн ылан, умуһахха таҕыс-
та. Көрбүтэ: этэ биир да суох буолан хаалбыт: баара-суо-
ҕа үһүөйэх эрэ куһуок орпут.
— Бу тугуй? — диэн дьиэҕэ киирэн, Натаа эриттэн
ыйытар.
— Оттон суох буоллаҕына, суох буоллаҕа дии, — диир
Наһаар уонна тахсан барар.

55