Page 53 - Литература 6 кылаас 2 чааhа

«Убаай, киир даа. Аҕынным, олус аҕынным... Түүн утуй-
баппын, быһа ытыыбын... Маны эмиэ ытыы-ытыы суруй-
дум. Эттэрин куттанан сиибин уонна үчүгэй, минньигэс
даҕаны. Чэ киир, бүгүн кэтэһиэм. Сардаана».

Маны ааҕан, Чүөчээски: «Ии, оҕом эрэйдээх, мин ахты-
бат үһүбүн дуо?» — диэн баран, уулааҕынан-хаардааҕынан
тула көрөн кэбистэ. Киниэхэ ким кэлиэй, ким да суох этэ...

Онтон аҕата мэлдьэспит суругун ылан аахта.
— Сөбө бороҕон! Дьэ ыраас сурук. Чэ бэйэ, ити аата,
быһаартарыахпыт, — диэн баран, Чүөчээски ойон турда.
Туран Сардаана суругун хат эмиэ ааҕан көрдө. Онтон си-
тимнээн ийэтин санаата. Аһына санаата. «Мин ханна баар-
бын арай ийэм эрэйдээх билбэт. Кэбис, биллэрииһикпин.
Таарыйа өйүө көрдүүһүбүн», — диэн олоро түһэн, сурук
суруйан барда.
«Ийээ, мин баарбын. Дьиэбэр төһөҕө да киирэрбин
билбэппин. Миэхэ өйүө наада буолсу. Онон көрдөһөбүн:
бүгүн сайылыкка миэхэ ыһыкта тиэрт. Онно мин дьиэ
иһигэр дүлүҥ олоппос үрдүгэр былааппын ууруом. Эн
онно аҕыйах аҕай аста суулаан, баайан кээһэн баран, он-
нугар ууран кэбиһээр. Ону мин бэйэм булан ылыам. Чэ
бука, бүгүн түөртүүр икки ардыгар илдьээр. Хааллым эн
оҕоҥ Чүөчээски», — диэн суруйда. Онтон суругун, суу-
лаан баран, аадырыстаата: «Ийэбэр, сирэй бэйэтигэр,
кистэлэҥнээх», — диэтэ. Бүтэрэн баран, титиригэр ил-
дьиэх буолан иһэн: «Сардаанаҕа эппэтэҕим, өтөр кэлэн
ылыа суоҕа», — диэн тохтоото. Хайдах гыныан мунааран
тура түстэ. Онтон эмискэ: «Ээ, сөп», — диэн баран, тыа-
нан арҕаа булуҥ диэки сүүрэ турда. Тиийбитэ, кинилэр
сүөһүлэрэ мэччийэ сылдьар эбиттэр. Чуо хааман кэлэн,
бээгэй ынаҕар тиийдэ. Туһаҕыттан биир туһаҕы сулбу
тардан ылла. Суругун онон чороччу эрийдэ уонна ынаҕын
муоһугар баайан баран: «һай!» — диэн кэбистэ. Ынаҕа,
биирдэ-иккитэ атыллаан көрөн баран, «ханна бардыҥ?»
диэбиттии, иччитин батыһа көрөн туран хаалла. Чүөчээски
тыа диэки сүүрэ турда...
Сотору соҕус буолан баран, дьон саҥата айманна.
Чүөчээскини тула утуу-субуу хаһыы буолан барда. Өй-

53