Page 48 - Литература 6 кылаас 2 чааhа
P. 48
дэһэллэр. Бу иһин олус доҕордуулар. Сэһэннэрэ-сэппэн-
нэрэ кимтэн да сүрдээх буолар. Оҕонньор наар былыр-
гыны кэпсиир — баай батталын, кэпсиир — хайдах отутун
туолуор диэри сирэ суох сылдьыбытын, кэпсиир — хайдах
соҕотох ынахтааҕа ойбоҥҥо түһэн өлбүтүн. Кэпсиир —
хамначчыт сылдьан хайдах эрэйдэммитин, сору-муҥу
көрбүтүн. Оттон Чүөчээски наар аныгыны, күннээҕи оло-
ҕун, үөрэҕи, колхоһу, пионердары кэпсиир. Ону Намыын
сүрдээх үчүгэйдик истэр.
Кинилэр былырыын иккиэн кыттыһан туһахтаабытта-
ра. Намыын иитэн биэрэр этэ. Чүөчээски кэрийэр этэ.
Онон, арааһа, отучча куртуйаҕы сиэбиттэрэ. Бэл диэтэр,
биирдэ биир туһахтан икки куртуйаҕы биирдэ ылбыттара.
Дьэ ол үөрүүтэ сүрүкэтин этэ. Биирдэрэ барабаанныы-
барабаанныы тыаттан дьиэҕэ диэри быһа ырыанан киир-
дэ. Биирдэрэ сиигэ суох: «Биһиги да биһиги!», «Байанай
да Байанай!» — дии-дии айхаллыы тоһуйда.
Ол, бу быйыл Намыын оҕонньоро аккаастанан, туһаҕын,
быһытын барытын солбуйааччытыгар Чүөчээскигэ бэлэх-
тээбитэ. Онон Чүөчээски бастакы куртуйаҕын доҕоругар
Намыын оҕонньорго илдьэн биэрбитэ. Ону иккиэн сонно
буһаран сиэбиттэрэ. Ол, арааһа, уонча хонно. Оттон бүгүн
Чүөчээски син биир киирбэтэ. Дьоно айманнылар.
? Ыйытыылар уонна сорудахтар
1. Кэпсээн бу чааһыттан Чүөчээски уонна кини дьонун
туһунан тугу билбиккитин сиһилии кэпсэтиһиҥ.
2. Сылгыһыт Наһаар Түүлээх Уллуҥахтыын Кустугу уоран
өлөрбүттэрин уола Чүөчээски түбэһэ көрбүтүн билэ
илик эрээри, тоҕо таһыйарый?
3. Чүөчээски, аҕата аах Кустуктан атын сылгыны уоран
өлөрбүттэрин көрбүтэ буоллар, итинник айманыа этэ
дуо?
48
