Page 46 - Литература 6 кылаас 2 чааhа

— Чэ, тоойуом, сиэ, — диэтэ.
— Сиэбэппин, — диэн баран, оҕото тэриэлкэтин эмиэ
төттөрү анньан кэбистэ.
— Тоҕо? — эрэ диэхтээтэ ийэтэ уонна, — чэ, оччоҕо
сарсын сиэр, — диэн баран, илдьэн ууран кэбистэ. Ыскаа-
быттан эргийэн кэлиитигэр аны кыыһа Сардаана, убайын
үтүктэн, эмиэ: «Сиэбэппин», — дии тоһуйда, туран барда.
Остуолугар Натаа соҕотоҕун хаалла.
— Дьэ бэрт да өлүү, доҕор, — дии-дии, Натаа иэмэ-
туома аһаабыта буолла, иһигэр ас да киирбэтэ быһыы-
лаах. Онтон туох да саҥата суох орон оронноругар баран
сыттылар.
Түүн үөһүн саҕана аҕалара кэллэ. Холуочуйбут. Натаа
туран эрин аһатта. Онуоха, Наһаар аһыы олорон ыйытар:
— Били уол этин сиэтэ дуу?
— Сиэбитэ, — диэхтиир Натаа саҥата. Ону истэ сы-
тан, Чүөчээски:
— Сиэбэтэҕим, — диир.
Дьэ эбээт, доҕоор, Наһаар алдьанан турбат дуо?
— Тоҕо? Тоҕо сиэбэккин? — дии-дии туран, орон диэ-
ки баһыахтаата. Чүөчээски, туох да саҥата суох, суорҕа-
нын бүрүнэн баран сытта.
— Оҕо аны «аһаа» диэтэххэ, аһаан абырыыра баҕа-
лаах. Бу абатын көр эрэ! Чэ, сиигин дуу, суох дуу? — диэ-
битинэн Наһаар Чүөчээски суорҕанын арыйа тарта. Он-
тон сып-сыгынньах оҕону бокуойа суох холуттан ыйаан
таһаарда. Уонна көхөҕө ыйанан турар ат кымньыытын сул-
бу тардан ылла, ылаат илиитин өрө ууммутунан барда.
Утаакы буолбата, кымньыы тыаһа «куус» гынна да, эриэн
үөн курдук мунньаҥнаабытынан кэлэн, Чүөчээски иэни-
гэр миинэ түстэ. Инньэ гынарын кытта, оҕо этэ соҕотохто
быһа ыстанна, сиикэй эт буолан хаан оҕуолаата. Чүөчээс-
ки сарылыы-сарылыы өрө татакалыы түстэ.
— Амсай-амсай! Аһаа, аһаа! — дии-дии, Наһаар иир-
бит курдук, сырбаталаата. Кымньыы тыаһа биир кэм куу-
һурҕас буолла. Чүөчээски иэнэ начаас үлүгэр хаан билик
буолан таҕыста. Нэһиилэ кэлэн ийэтэ Натаа былдьаан
ылла. Оҕотун хаанын ытыы-ытыы үүтүнэн сууйда.

46