Page 41 - Литература 6 кылаас 2 чааhа

эһиги элбэххэ үөрэниэххит, олох сиэрэ, киһилии киһи
майгыта диэн өйдөбүллэргэ сыһыаннаах санаалар, үтүө
толкуйдар олоҕуруохтара диэн эрэнэбит.

Ааҕыы, ырытыы

Чүөчээски

(Кылгатыллыбыта)

Толугур диэн чоҥкучах алааска иккиэйэх оҕо баара. Бу
оҕолор алаастарын, төһө да туруйа хараҕын саҕа кыра,
уһаат иһин курдук бүтэй буоллар, олус таптыыллара.

Толугур бэйэтэ да муода сир этэ: сарсыарда дьыбар-
га тугу эмэ тыаһаттахха, ол тыас алаас иһиттэн тахсыбат
буолара — биир кэм тыатыттан тыатыгар тэйэн, кэлии
иһигэр бырахпыт соҕох курдук, толугуруу мөхсөрө. Кини-
ни, быһыыта, бу да иһин Толугур диэн ааттаабыт эбиттэр.

Бу Толугурга кыһын суор эрэ хаһыытыыра уонна Сыл-
гыһыт Наһаар балаҕанын халҕана хаахыныыра; саас ча-
раҥар куртуйах куллугуруура, куулатыгар хабдьы бэбиги-
риирэ; сайын кырдалыгар аһыҥа сырдыргыыра, халдьаайы
аннынааҕы көлүччэҕэ хойутаан киллэрбит чыркымай оҕо-
лорун кытта букунаһара иһиллэрэ. Күһүн Толугур тэҥкэ
тыатыгар куобахчыт саатын тыаһа «дор» гынара... Мантан
атын тыас Толугурга иһиллибэт буолара.

Ол да эрээри Толугуру, төрөөбүт алаастарын, бу икки
оҕо олус таптыыллара. Биирдэ эмэ күһүн Аммаҕа, эбэлэ-
рин аахха, киирдэхтэринэ, дьоннорун ахтыбат, алаастарын
олус ахтар буолаллара. Кинилэр ордук хоту өттүлэринээҕи
халдьаайы халаачык-халаачык курдук быллаардарын тап-
тыыллара. Онно ынах хомуйа сылдьан саһа оонньууллара...

(Бу Толугурга олорор сылгыһыт Наһаар иккиэйэх оҕо-
то — Чүөчээски уонна Сардаана биир киэһэ ынах хомуйан
кэлэллэр. Күн киирэн эрэр. Ийэлэрэ кинилэри абаҕала-
рын аахха хонноро ыытар. Оҕолор дьиибэргээтэллэр да
бараллар. Абаҕаларын икки оҕотун кытта таһырдьа отуу-
га хоноллор. Абааһы, таҥара суоҕун, албынын туһунан

41