Page 36 - Литература 6 кылаас 2 чааhа

Кэриэс аһа кэһиэх,
Ийэ аһа иэдьэгэй.
Уос минньитэрин 9 уурайбыт,
Туруктааҕынан 10 дьоһуннаммат,
Байтаһынынан мааныламмат,
Эмиһинэн идэһэлэммэт,
Бурдугу булуммат,
Килиэби сиэбэт,
Курупчаакыга хороммот,
Саахарга саантаабат,
Тууһунан тупсарыммат,
Хартыыһаны харахтаабатах,
Биэрэһи билбэтэх,
Уксууһу уурумматах,
Пиибэҕэ тииспэтэх,
Арыгыга алдьамматах.

Таҥаһын-сабын
Таарыйа аҕыннахпына:
Лаҕыыр буолбут лаба ырбаахы,
Хохто буолбут хомуһуол оҕото,
Мыыланы билбэтэх былаат сыыһа,
Сууйууну көрбөтөх соттор оҕото;
Дүгдэйбит түнэ сон,
Чохойбут чомпо бэргэһэ,
Көкөйбүт күөс бэргэһэ,
Дыыдайбыт тыс этэрбэс,
Оллойбут олооччу этэрбэс,
Эмчийбит эриэн эмчиирэ11,
Түксүлээбит түнэ баһырҕас12,
Сутаакы тириитэ сутуруо,
Ырыган тириитэ ыстаан,
Өлүнньүк тириитэ үтүлүк,
Торбос — тобук таҥаһа…
........................................

Сиртэн силистээххэ дылы
Сиҥнэллибит дьиэлээх,

Саах быыһыгар саспыт
Самнайбыт балаҕаннаах,
Титиик тэҥэ буолбут

36