Page 33 - Литература 6 кылаас 2 чааhа
P. 33
Хайдах эрэ ааҕааччыга маҥнай утаа сыһыана суох курдук
кыыл-сүөл, үөн-көйүүр дьоруойдарынан киһи майгытын,
дьайыыларын ойуулааһыннар, ис дьиҥэр дириҥник ыры-
тан толкуйдаатаахха, хас биирдии киһиэхэ сыһыаннаах
курдук буолан хаалаллар. Онон, доҕоттоор, үгэни ааҕар-
гытыгар, ырытан толкуйдааһыҥҥа улахан болҕомтону
ууруҥ, миэхэ сыһыана суох диэн өйүнэн салайтарбакка,
бэйэҕитин сайыннарар, араас бөрүкүтэ суох соҕус са-
наалартан, майгыттан босхолонор соруктаах толкуйдаа-
таххытына, ордук туһалаах буолуоҕа.
Нуучча литературатыгар Иван Андреевич Крылов улуу
үгэһитинэн биллэр. Кини үгэлэрин Н.В. Гоголь норуот
улуу муудараһа түмүллүбүт кинигэтинэн сыаналыыра.
Бу айымньыларын эһиги кыра кылаастарга билсибиккит.
Биллэн турар, С.А. Саввин—Күн Дьирибинэ И.А. Крылов
үгэлэриттэн элбэххэ үөрэммитэ.
И.А. Крылов «Волк на псарне», «Стрекоза и муравей»,
«Волк и ягнёнок», «Ворона и лисица», «Мартышка и очки»
үгэлэрин кыра эрдэххититтэн билэҕит, ол эрээри өссө
ааҕан көрүҥ. Күн Дьирибинэ үгэлэрин кытта тэҥнээн
ырытан көрдөххүтүнэ, өйгүн-санааҕыт, майгыгыт-сигили-
гит киһилии сиэргэ иитиллиэҕэ.
Тэҥнээн көрүү
Нуучча суруйааччыта Иван Крылов уонна Күн Дьирибинэ
үгэлэригэр аллегория көмөтүнэн ханнык кыылларынан киһи
итэҕэһин ойуулаан көрдөрүү майгыннаһар уонна уратылаһар
өрүттэрэ баарын чинчийэн көрүҥ. Уруһуйда оҥоруҥ.
! Аллегория диэн уобарастаан, ханалытан-кубулутан хо-
һуйар уус-уран ньыма.
33
