Page 38 - Литература 6 кылаас 2 чааhа

Ааныттан суох,
Топпут хоноһо
Ончу суох.
Бастыҥ киһини маанылаабат,
Орто киһиэхэ уолуһуйбат,
Отох хоноһону холдьоҕор.
Кэмсиммэтэх кэргэн кэмэй15
Хайҕаабыт хамначчыт хасты суох.
Алдьаммыты аһыммат,
Умнаһыкка уйадыйбат,
Өлбүккэ үтэлээбэт,
Сиэртимэни сирэр,
Тардыыны таптаабат,
Мунньахха буолуммат.
Туппута эрэ торуоската,
Кэппитэ эрэ сэлээппэтэ,
Биэрэрин бэскэ ыйаабыт,
Уунарын умнан кээспит.
Сабыылаах сарын,
Бүтэй өттүк,
Чой орой,
Муос тобук,
Килэгир харах,
Килиэдэ сирэй,
Дьүлэй куҥ,
Ньүдьү-балай
Улуу киһи!..

Тылбытын байытабыт

1 Аҕараан — тардаах эргэрбит балыктарга кутуллубут ас.
2 Барча — хаппыт балык.
3 Сыма — сиргэ көмүллэн хаһааныллыбыт сиикэй балык.
4 Саккаа — хаппыт балык.
5 Хохту — хаппыт балык арааһа.
6 Таһаараары үөрэ — ууттан, үүттэн, тартан, оттон ыты-
йыллан оҥоһуллар.
7 Көҕөлөҥ үөрэ — тара суох сити үөрэ.
8 Ытыйан ас — үүттэн, тартан, бурдуктан оҥоһуллар бутугас.

38