Page 34 - Литература 6 кылаас 2 чааhа
P. 34
Ааҕыы, сэһэргэһии
АЛЕКСЕЙ ЕЛИСЕЕВИЧ КУЛАКОВСКАЙ—
ӨКСӨКҮЛЭЭХ ӨЛӨКСӨЙ
(1877—1926)
Кэччэгэй баай
Хотон-хотон муҥунан
Хоноҕор муостааҕы
Хотуулаахтык холбооттообут;
Сыһыы-сыһыы муҥунан
Сыспай сиэллээҕи
Сыталлаахтык сырыырҕаппыт;
Үрэх-үрэх муҥунан
Үрүҥ-хара түүлээҕи
Үгүстүк үөрдээбит;
Хара харах харахтаабатах,
Хаптаҕай кулгаах истибэтэх
Халыҥ элбэх харчылаах;
Икки атахтаах
Ситэн сэрэйбэтэх
Иирбит элбэх харчылаах киһи.
Оннук баай киһи
Олоҕо-дьаһаҕа,
Аһа-үөлэ,
Таҥаһа-саба,
Быһыыта-майгыта
Хайдаҕый диэтэргит:
Аан маҥнай
Аһын-үөлүн
Ахтан аһардахпына:
Аҕарааны 1 аһылыктаммыт,
Барчанан 2 мааныламмыт,
Сыманан 3 сымсайбыт,
Саккааҕа 4 салбаммыт,
Ыылаах эти ыстаабыт,
Өлүгү үтэлэммит,
Хохтуга 5 хоһулайбыт,
34
