Page 43 - Литература 6 кылаас 2 чааhа

дэллэр. Таарыйа араҥастарын көрөллөр. Көрбүттэрэ —
харандаастаах кыын кыбытыллан турар. Быһахтарын кэрэх
төрдүттэн булан ылаллар, Уйбааскы:

— Дьэ кыайтарбыппын, — диир. — Кустугу эн бастаан
миинэр буолбуккун.

Онуоха Чүөчээски хардарар:
— Суох! Мин да кыайбатым, эн да кыайбатыҥ, хата,
ол оннугар иккиэн кыайтардыбыт.
— Ол хайдах? Чүөчээскиэ, хайдах?
— Билигин эппэппин, кэнники этиэм.
— Дьэ буоллаҕа... — эрэ диэн хаалар Уйбааскы.
Манан тарҕаһаллар. Аны Уйбааскылааҕы Чүөчээски-
лээх тиэрдэллэр. Ыраах тиэрдэллэр. Бу тухары, урукку
курдук, туох да көр-нар, күлүү-салыы, ырыа-тойук суох
буолар. Бу күн кэри-куру курдук ааһар.
Киэһэ буолар. Дьиэҕэ көмүлүөк оһох, «мин симиэнэм,
дьэ кэллэ» диэххэ айылаах, күлэр-салар, чачыгырыыр,
кыымынан кытыастар, чоҕунан тэбиэлэнэр, сырдыгынан
ыһыахтанар. Хара бараан түүн ийэ түөрт өттүнээҕи түүлээх
түүппэх хара быыстарын түһэринэн, киэһээ аһылык кэмэ
буолар. Күөс уоттан тахсар. Ийэлэрэ, күөһүн хоторон ба-
ран, оҕолорун ыҥыра-ыҥыра этэр:
— Чэ, оҕолоор, кэлиҥ бу тыһаҕаскыт этин сиэҥ, — диир.
Чүөчээски кэлэн остуолга олорор. Көрбүтэ — тыһаҕаста-
рын этиттэн чыҥха атын, сыалаах, эмис эт буолан биэрэр.
Бэл диэтэр, сыттыын атын. Чүөчээски туран, «Кустук этэ
буолуо» диэн саныы биэрэр. Онтон: «Сиэбэппин», — диэн
баран, тэриэлкэтин төттөрү анньан кээһэр.
— Тоҕо? — дэһэ түһэллэр ийэлээх аҕата.
— Сиэбэппин, — эрэ диир Чүөчээски уонна баран сы-
тынан кээһэр.
Аҕата хааннааҕынан түҥнэри көрөн кээһэр уонна тугу
да саҥарбат. Ийэтэ: «Иһэ адаарыйбыта буолуо, чэ, сиэ-
бэтин», — диир. Бу манан ааһар.
Сарсыҥҥыта буолар. Күн сайынын кытта бырастыы-
лаһар, бэстилиэнэйин ууруур-сыллыыр сүрдээх үчүгэй күнэ
үүнэр. Ол да буоллар, бу күн Чүөчээскигэ куһаҕаннык ааһар.
Чүөчээски күнү быһа санааргыыр. Хайдах да гыныан булбат.
Кустугу аҕата, колхоз сылгыһыта буолан баран, бэйэтэ уоран

43