Page 47 - Литература 6 кылаас 2 чааhа

Аҕалара аны Сардаанаҕа тиийдэ.
— Тоҕо ытыыгын, хотуой? Тоҕо? Ымсыырдыҥ дуо? —
дии-дии ыххайда. — Хайа, эн аһаан абырыыр оҕоҕун дуу,
суох дуу? Били куһаҕан эти сиэтиҥ дуу, биитэр үтүө убай-
гын үтүктэн эмиэ сиэбэтиҥ дуу?
Сардаана бастаан саҥарбата. Онтон үрүтүн-үөһэ ых-
хайан барбытыгар, олоро түһэн баран:
— Сиэбэтэҕим. Сиэм да суоҕа! — диэн саайда.
Маны истэн, Наһаар иирбиттэн да, итирбиттэн да атын
буолла. Хаһыытыы-хаһыытыы, кымньыытынан сири таһыйа
турда, онтон суос-соҕотохто таһырдьа ыстанан хаалла...
Тахсан балай эмэ өр буолан, уоскуйан баран, киирэн туох
да саҥата суох оронугар умса түстэ. Онтон утуйан хаалла.
Бу ынырык түүн бу курдук ааста...
Сарсыарда ким да иннинэ Чүөчээски турда. Туран Түр-
гэнин аһатта, быһаҕын буруустаата, туһах хатта, кини-
гэтин ботуоҥкатыгар хаалаата уонна таайа бэлэхтээбит
сабыс-саҥа пугаһын ылан, сыттыгын анныгар укта уонна
буулдьатын эриллэн сабыллар пеналын иһигэр хаалаан
баран, оронугар тиийэн утуйан хаалла. Уһуктубута — дьо-
но аһаан-сиэн тарҕаспыттар. Кини соҕотоҕун чэйдээтэ.
Чэйдээн бүтэн, Сардаананы таһырдьа, ампаар кэннигэр,
ыҥыран таһаарда уонна эттэ:
— Бу киэһэ мин титирикпэр, «Чүөчээскигэ», бара сыл-
дьаар, ону кимиэхэ да этээйэҕин, — диэтэ.
Сардаана: «Сөп», — эрэ диэн хаалла.
Ийэлэрэ күнүскү ыамҥа тахсыбытын кэннэ, Чүөчээски ма-
лын-салын барытын хомунна. Туһаҕын хортууһун иһигэр укта,
испиискэ ылла, кинигэтин, пеналын ботуоҥкатын иһигэр хаа-
лаан баран сүктэ, пугаһын ииттэ, сиэбигэр аста уонна Түргэ-
нин ыҥыран ылан баран, илин тыа диэки тахса турда.
Күн түөртүүр ынах буолла. Чүөчээски биллибэтэ. Дьо-
но: «Туһаҕын көрө таҕыстаҕа», — дэстилэр. Кини курту-
йахха туһахтыыр этэ. Быйыл кыһын уонча куртуйаҕы сиэп-
питэ. Кинини туһахха доҕоро Намыын оҕонньор үөрэппитэ.
Намыын оҕонньор сааһа сүүс уон үһэ. Оттон Чүөчээски
аҥаардас уон үһэ. Оҕонньор Чүөчээскиттэн оруобуна сүүс
эрэ сылынан аҕа. Манан кинилэр «биһиги саастыыбыт»

47