Page 40 - Литература 6 кылаас 2 чааhа

ӨЙ, ТУЛУУР, ДЬУЛУУР, ТАПТАЛ — КИҺИ БУОЛУУ СУОЛА

ДМИТРИЙ КОНОНОВИЧ СИВЦЕВ—СУОРУН ОМОЛЛООН
Саха норуодунай суруйааччыта
(1906—2005)

Оҕолоор! Эһиги күүстээх дьон
буолуоххутун мин баҕарабын. Оттон
күүһү — билии, үөрэх биэрэр. Онон
үөрэҕи, кинигэни ааҕыыны, билии-
ни кытаатыҥ! Оччоҕо эһиги, олоҥхо
бухатыырын курдук, муҥура бил-
либэт күүстээх, кыахтаах дьон буо-
луоххут. Маны таһынан, мин эһиги
баай дьон буолуоххутун баҕарабын.
Үбүнэн, малынан байыыны эппэп-
пин. Бука диэн, үп, мал кулута эрэ
буолумаҥ! Үп, мал баайыгар олус
умсугуйар киһи хаһан да үөһэ көппөт. Оннук баай киһиэхэ
адаҕа, кыаһы эрэ буолар.

Ааптар

«Бар дьонун туһугар дириҥ билиилээх, төлөннөөх
итии иэйиилээх — ол буолуохтаах саамай күүстээх, саа-
май баай, саамай үчүгэй киһи», — диэн, эһиэхэ туһаа-
йан, бэлиэтээн эппитин курдук, Д.К. Сивцев—Суорун
Омоллоон оҕо дьон өйүнэн, билиинэн күүстээх, киһилии
майгылаах буола улааталларыгар сирдиир айымньылар-
даах. Эһиги кутталы кыайбыт хорсун Чөөчө уол туһунан
кэпсээнин аахпыккыт. Билигин «Чүөчээски» кэпсээнин
ааҕыаххыт. Бу айымньыны сорохтор кэм-кэрдии иһинэн
эрэ сыаналанар, ол эбэтэр холкуостааһын, уопсай баай-
дуол диэн өйдөбүллэринэн эрэ бүүрүктээн, аҕатын ута-
ры барбыт, аҕатын тыллаан биэрбит пионер оҕо туһунан
оскуолаҕа үөрэтиллиэ суохтаах, куһаҕаҥҥа үөрэтэр диэн
санааны көннөрү тылга, кэпсэтиигэ да этэллэр, бэчээккэ
да суруйаллар. Онон мөккүөрү тардар бэрт интэриэһинэй
айымньы. Ол гынан баран, бэркэ дьаныһан, хас биирдии
тылын-өһүн ырытан, долоҕойго киллэрэн аахтаххытына,

40