Page 83 - Литература 6 кылаас 2 чааhа

ыстанан кэлиэхтии өстүөкүлэ бүтэй маргыйда. Иһирдьэ
аймалҕан буолла, уот умайда. Уол балконтан тахсан ыйа-
нан турар быаттан тутуһаат, аллара курулаата. Атахтара
сири булбуттарыгар кэннин да хайыһан көрбөккө буута
быстарынан сүүрдэ.

Кэлэн туохха түбэспитин командирыгар кэпсээн биэр-
дэ. Өссө бөрө саҕа ыт саҥата этиҥ эппитинээҕэр даҕаны
дьулааннааҕын туһунан эбэн эттэ.

— Куттас! — Махно диэн ааттанааччы тииһин быыһынан
сыыйда. — Саатар күрүчүөкпүтүн, ураҕаспытын ылбатах.

Ити тыллар кэннилэриттэн Айдаар сыҥааҕа уот аһыйа
түстэ. Сотору айаҕар хаан билиннэ. Ону сиргэ силлээтэ.
Хаста да туран охсуһаары гынан баран, син биир кыай-
тарыаҕын билэн тохтоото. Үнүр биир уол хардарсабын
диэн, турбат буолуор диэри кырбаммыта.

— Трус! Куобах курдук кус сүрэх! — бу сырыыга ко-
мандирын саппыкыта кэннин куҥ этигэр «ыаллаата».

***
Албын атаҕа кылгас, уоруйах илиитэ уһаабат дииллэ-
ринии, кинилэри сотору тараччы тутан ылбыттара. Бары
даҕаны милицияларга үчүгэйдик биллэр оҕолор эбиттэр.
Онон иччилээхтэр, бэйэлэрин ынахтарын хонууттан хому-
йан илдьэ баралларыныы, кинилэри эмиэ милиция от-
делениеларынан үллэстэн илдьэ барбыттара. Уолу лей-
тенант отделениеҕа аҕалбыта. Сирэйиттэн-хараҕыттан,
туттарыттан-хаптарыттан көрдөххө, улаханнык кыыһырбыт
чинчилээҕэ. Муннукка турар тимир сейфэттэн папканы
ылан иннигэр уурунна. Уолу өтөрү-батары көрүтэлээтэ.
— Бырадьаагы сылдьыбытыҥ хас хонно?
— Билбэппин.
— Билбэккин? Мин билэбин! Икки нэдиэлэ буолан эрэр.
«Икки нэдиэлэ». Суох, уон эрэ хоммут буолуохтаах.
Эмиэ сымыйалаата. Улахан дьон тоҕо манныктарый?
— Дьиэлэр балконнарыттан тахсан төһө элбэхтик уор-
дуҥ?
— Билбэппин.
— Билэҕин! Хас түүн ахсын биир-икки дьиэттэн уораҕыт.

83