Page 108 - Литература 6 кылаас 2 чааhа

үс ботуруону биэрэн кустата ыыппыта. Биир ботуруонунан
«саам хайдах тэбэрий?» диэн ааттаан, сыал ытан көрбүтүм,
иккиспинэн турааҕы ытан өлөрбүтүм да, сиэммэтин билэр
буолан ылбатаҕым, үһүспүнэн куһу ытан баран, сыыһан кэ-
биспитим. Төһө да биир чыркымайы чуут-чаат таба сыспы-
тым да иннигэр, буруйданан, нөҥүө күнүгэр саабар соҕо-
тох ботуруоннаах кустуу барбытым. Сыыстахпына, бултуур
үөрүүттэн отой да мэлийиэхтээхпин билэр буолан, бэрт
уһуннук үөмэн, тирээн туран кэриэтэ ытан, биир мороду-
ну өлөрбүтүм. Аныгыс бултуурбар инньэ гынан икки бо-
туруоннаах баартым...

Холум этэ хойдуута, оскуолабар, оройуоммар «баппат
сүүрүк, спортсмен» аатырыыбар эһэм аан маҥнай ыраах,
оҕо эрдэхпиттэн ымсыылаах-баҕалаах Элгэ үрэхпэр баар
үүтээнигэр илдьэ барар буолла. Кыһын ата сиир отун от-
туохтаахпыт, бултуур сэбин-сэбиргэлин, араас тэриллэ-
рин, үүтээннэрин сэлбийиэхтээхпит.

Үүтээммитигэр киэһэ хойутуу тиийдибит. Ол да буол-
лар оҕонньор кичэллээхтик үүтээн чаампытыгар уурбут
икки туутун күөлүгэр киллэрэн иитэн кэбистэ.

Эһэм, куолутунан, сарсыарда эрдэ баҕайы туран, дой-
дубутуттан таһаарбыт оттуур тэрилбитин бэрийбитинэн
барда. Мин уубун ситэ хаммакка, сыҥааҕырдыы-сыҥаа-
ҕырдыы, күөлгэ бэҕэһээ киэһэ укпут тууларбытын көрө
киирдим. Сайын бараныыта буолан, күөл туманнаах, уута
сөрүүн. Этим тарда-тарда киирэммин, маҥнайгы туубун
ороон таһаардым. Түөрт лэһигирэс, ыыс-араҕас эмис собо
киирбит. Булду көрөөт да тоҥмутум, уубар аҥаарыйа
сылдьарым ааһан хаалла. Балыктарбын сүгэн киирбит
тымтайбар сүөкээн баран, туубун хат тимирдэн кэбистим.

Иккис туубар сүүрэн элэгэлдьийэн тиийэн, долгуйа-
долгуйа ууттан хостоотум. Туубун ууттан таһаарыыбар
уонча собо тилигирэһэ түстэ. Тылбыытын сүөрэн, балык-
тарбын тымтайбар сүөкүү туран, хайдах эрэ этим тардан
дьар гынна. Өрө көрө түспүтүм — миигиттэн уонча хаа-
мыылаах сиргэ халдьаайыга аарыма улахан эһэ салбана
олорор эбит. Туман быыһынан өссө ордук улаатан, үл-
лэн-баллан көһүннэ.

108