Page 111 - Литература 6 кылаас 2 чааhа
P. 111
Оҕонньор, эһэ баарын билбэтэх курдук, үүтээнигэр
таҕыста. Хаһан эрэ кэлэн үрдүбэр түһэр диэн, иэним кэ-
дэҥнии-кэдэҥнии, эһэбин батыһабын. Тыатааҕыбыт хам-
саабакка олорон баран, биһиги ойуурга киириибитигэр
биирдэ аллара диэки мөлбөрүс гынна.
Ол курдук хас да күн балыкпытын үллэстэ сырыттыбыт.
Кэлин тыыппатын билэммин, син үөрэнэ быһыытыйан бар-
дым. Биир сарсыарда эрдэ сииктээххэ от охсон, хойутаан,
бу сырыыга туубутугар миигин соҕотохтуу ыытта, бэйэтэ
чэй өрө хаалла. Күөлгэ чугаһаан иһэн көрдөхпүнэ — туу-
бутун биир киһи көрө сылдьар. Бачча ыраахха хантан кэл-
бит киһи буоллаҕай? Уонна тоҕо дьон туутун уоран көрөр?
Оччо балык сиэн баҕарбыт буоллаҕына, тоҕо биһиэхэ
үүтээҥҥэ кэлбэтэ диэн, кыыһырыах санаа көтөн түстэ.
Чугаһаан иһэн өйдөөн көөртүм — эһэ буолан хаалла! Сөрү
диэн сөҕөн, үүтээммэр төттөрү тэбинним.
Оҕонньор мин кэпсээммин истэн, мичик гынан баран,
аргыый күөлүн диэки хаамта. Ыраахтан туу көрө сылдьар
эһэни көрөн күллэ уонна обургу соҕустук:
111
