Page 115 - Литература 6 кылаас 2 чааhа

АҔА ДОЙДУ КӨМҮСКЭЛИГЭР

Аҕа дойду улуу сэриитэ... Кырыктаах сэрии. Аан дой-
дуну бүтүннүүтүн аймаабыт сэриигэ биһиги дьоммут —
улаханныын-кыралыын, эдэрдиин-эмэнниин — бары
кыттыбыттара. Фроҥҥа да, тыылга да сэбиэскэй норуот
бүттүүнэ түүннэри-күнүстэри, эргиччи биир киһи курдук
турунан, хорсуннук сэриилэспитэ. Ол иһин Кыайыыны си-
тиспиппит.

Фроҥҥа саха буойуттара ураты хайҕалга сылдьалла-
ра. Кинилэр тымныыны, итиини тулуйар, сир-дойду ура-
тытын, айылҕа күүһүн мындырдыыр буолан, сатабыллаах
разведчик, бэргэн ытааччы, хайыһардьыт быһыытынан
туйгуннарын бэлиэтииллэрэ. Фронт хаһыаттарыгар саха
сириттэн кэлбит сэрииһиттэри «тииҥи харахха түһэрэр
булчуттар» диэн бэркэ хайҕаан, таптаан, киэн туттан су-
руйаллара. Ол курдук Фёдор Охлопков, Дмитрий Гуляев,
Иван Кульбертинов, Алексей Миронов, о.д.а. ааттара сэ-
рии бары фронугар ньиргийэрэ...

Сэрии бэтэрээнэ Николаев Н.С. манныгы суруйар:
«Биһиги күүспүт — араас омук олус эйэлээхтик олорору-
гар. Биһиги, сэбиэскэйдэр, чугас аймахтыы, бырааттыы
дьон курдук бэйэ-бэйэбитин харыстаһарбыт, бэйэ-бэйэ-
битигэр көмөлөсүһэрбит. Киһи нэһиилэ кэпсэтэр, хаһан
да харахтаабатах омуккун кытта тэҥҥэ куһуок саахаргын,
быһыы килиэпкин, хааһыгын, мииҥҥин үллэстэн аһыыр-
быт. Разведкам дьоно, нуучча уолаттара барахсаттар, гос-
питальтан тахсарбар, ирдэһэн, булан чааспар илдьэ бар-
быттара. Разведчиктар оннук күүскэ доҕордоһор этибит».

Улуу сэриигэ саха суруйааччылара: Тимофей Сме-
танин, Бүөтүр Тобуруокап, Эллэй, Дьуон Дьаҥылы, Ма-
кар Хара, Иннокентий Артамонов — барыта сүүрбэ киһи
эрдээхтик сэриилэспитэ. Кинилэр фашиһы утары ыстыы-
гынан, гранатанан эрэ буолбакка, уоттаах кылыс тылла-
рынан сүүһүнэн тыһыынча дьон сүрэҕин күүрдэн, санаа-
тын көтөҕөн Кыайыыга сирдээбиттэрэ.

115