Page 112 - Литература 6 кылаас 2 чааhа

— Кырдьаҕаас! Сэрэнээр, туугун алдьатаайаҕын! Кы-
тыыга хааллараар! Уол киирэн бэйэтэ иитиэҕэ! — диэтэ.

Чэйдээн баран күөлбэр киирбитим, тууларын үчүгэй
баҕайытык таҥнары туруортаан кэбиспит, тылбыылара
аттыларыгар сыталлар.

Эр-биир миэстэлэригэр тимирдитэлээн, төннөн тахсан
иһэн, эһэҕэ балык уурар сирбитигэр хараҕым иҥнэ түстэ.
Иккилии гына алта собону кэккэлэччи уурталаабыт. Тах-
сан эһэбэр кэпсээбиппэр, кини:

— Бу дьаабалы көр! Ол биһиги өлүүбүтүн хааллар-
даҕа! Киирэн таһаар — диэн, тымтайдаах төттөрү ыытта.

Дьэ ол курдук оппутун туруоран күрүөлүөхпүтүгэр диэ-
ри эһэм эһэтин кытта бииргэ олордубут.

***
Үс-хас сыл буолан баран, каникулбар эһэбэр эмиэ оту-
гар көмөлөһө таҕыстым. Оҕонньор мин кэлбиппэр бил-
лэ-көстө сэргэхсийдэ эрээри, куолутунан, мөҕө тоһуйда.
— Туох буолбут кисигиний? Тыа оҕото буолан баран,
куоракка бүгэн хааллаххыный? Онно ийэҥ уруута баар
дуу? Аҕаҥ уруута баар дуу?
— Үөрэх диэн баар, эһээ! Үөрэх диэн!..
Сарсыарда туу көрө киирээри гыммыппын ыыппата.
— Дьэ, нохоо, сэрэн! Кырдьаҕаспыт киҥэ-наара холлон
сылдьар! Бу дойдуну туох эрэ куһаҕан дьон буулаатылар.
Былырыын күһүн үүтээммин барытын сүргэйбиттэр, ти-
мир оһохпун көтүрү тардан илдьэ барбыттар. Бастаан өссө
арҕахха киирбэтэх хаамаайы эһэ буулаатаҕа диэн, дьиксинэ
санаатым. Онтон суолларын-иистэрин көрбүтүм — үс киһи
кэлэн, күннээн-күөнэхтээн ааспыттар эбит. Тахсан чуут то-
ҥон өлө сыстаҕым үһү! Хата, анараа үүтээним оһохтоох буо-
лан, тыыннаах хаалтым. Аны туран кыыллаан адьылана сыл-
дьан, арҕахха киирээри сылдьар биһиги кырдьаҕаспытын
көрсөн, ытыалаан бааһырдан, тыаҕа куоттарбыттар. Били-
гин атын туора киһи кэллэр эрэ, хайаан да суолун хайан
баран тэйэр. Анараа дьон сыттарын ылан хаалбыт быһыы-
лаах. Онон сэрэн! Сааланыам диэн саараныма даҕаны! Саа
тыаһын иһиттэр эрэ, тута бултаспытынан барыаҕа.

112