Page 4 - Литература 6 кылаас 2 чааhа
P. 4
дьөһөгөй оҕото ханыыласпыт киэҥ
сыһыыларыгар иэгэйэр икки атах-
таах, иннинэн сирэйдээх тоҕойдоон,
тоҕуоруһан олорор түөлбэ, түбэ
сирдэрин ойуулуур, мандардыыр
тусаһатыгар туһаайда.
«Дьэ эрэ!» — диэн дорҕоонноох-
тук сэргээн, сурукка тиһиллибити
ааҕан субурутан бардахха… Көрүҥ
эрэ, ытыс таһынар түҥ хараҥа, арай
биир дьиэ түннүгэ кылаҥныыр. Бу
кимий? Бэрт дьоҕус туора бытык-
таах, ыраас сэбэрэлээх, өрө тарааммыт бэскилээх киһи
чүмэчи уотун тонолуппакка одуулуу олорор. Төгүрүк ос-
туолугар толору кумааҕы, кинигэ, чэрэниилэ дьэҥкир
иһиттэрэ кэккэлээн тураллар. Билигин да суруйа олорор
эбит…
Ийэбиттэн төрүөбүт
Иһирэх тылбын
Иҥэрэн сылдьабын,
Төрүөхпүттэн төлкөлөммүт
Төрүт өспүн
Төлөрүтэ иликпин…
Хараҕа — дириҥ толкуй, мындыр өй туоһута. Кини тугу
толкуйдаан түлэй түүнү кытта мөккүстэ, туох туһа, ким
иннэ диэн утуйар уутун умунна?! Кини: «Олох — ыар, уус-
тук, киһи — араас, үтүөнү үгүстүк аҕын, киһини кэрэтин
көр», — диир курдук.
Бу кимий? Били саха тылын ууһа, кэпсээни, драманы
олохтообут ырыаһыт Алампа, Анемподист Иванович Соф-
ронов дии…
Бүгүн биһиги саха литературатын төрүттэспит Алампа
үйэ анараа өттүгэр суруйбут бастыҥ кэпсээнин ааҕабыт.
4
