Page 43 - Литература 7 кылаас 1 чааhа

Чиччигинэс иҥиирдээх,
Холум тиийбэт
Хоноҕор хоҥнуолаах,
Дьирим тиийбэт
Тэлэҕэр тараһалаах,
Икки көхсүн хараҕыттан
Үүнэн үөскээн таххыбыт
Тимир кынаттаах;

Кыыһар былыт быччыҥнаах
Саалыр былыт чампараахтаах,
Сап халлаан
Сабаҕата ыҥыырдаах,
Лиэп кыыл сиһин тириитэ
Синньилээх-оһуордаах,
Дьирикинэ дьиримнээх,
Холууп кыыл
Холун тириитэ
Оһуордаах-мандыардаах
Дьорохуна холумнаах,

Аҕыс салаалаах
Айыы далбар кымньыыта
Хоҥсооччутугар
Иилиллибитинэн үөскээбит,

Түргэн түһүүлээх,
Бардам барыылаах,
Сыыдам сырыылаах,
Күлүмэр күүстээх,
Көһүүн хоольдьуктаах,
Чиччигинэс иҥиирдээх,
Тыс сындааһыннаах
Үрдүк үтүө сылгы
Үөскээн-төрөөн
Турбут эбит.

43