Page 47 - Литература 7 кылаас 1 чааhа

Алаһа дьиэтигэр идьдьэн
Анньан кэбистэ,

Байтаһыны-байбаны
Бастарын, атахтарын
Быһыта тыытан кэбистэ,
Хасса суох элбэҕи
Хаалаан кэбистэ:

— Сылайбыт бэйэҥ сынньан,
Ырбыт бэйэҥ уой,
Дьүдэйбит бэйэҥ тубус,—
Диэн баран
Абааһытын уолун тоһуйа
Ыстанан таҕыста.

Айыы киһитэ
Хара хараҕа
Аһыллыбытын тухары,
Хаптаҕай кулгааҕа
Сэгэйбитин тохору
Истибэтэх даҕаны,
Көрбөтөх даҕаны,
Билбэтэх даҕаны
Киһитэ кэлэн турар эбит;
Ону бэри диэн бэккиһээн,
Сөрү диэн сөҕөн
Аллара этэрбэһин баайыытыттан
Төбөтүн оройугар дылы
Уоттааҕынан-күөстээҕинэн
Хатааһын сулуһун курдук
Чолбоодуччу көрөн таҕаарда.
Улуу баай ыал
Чарт тымтайдарын
Умса ууран
Кэбиспит курдук
Туос лээмпэни уллуҥахтаах,
Самаҕын туорайыттан
Таҥнары үүнэн түспүт
Собуч-соҕотох атахтаах да,
Тобугуттан аллараа өттө

47