Page 49 - Литература 7 кылаас 1 чааhа

Муор-туор
Мунду баҕалдьытын курдук
Ыстаанын бусхаччы
Анньынан кэбиспит,
Бэрт тимир биристээнкилээх,
Үтүө тимир үтүлүктээх
Көстүбэт күүстээҕэ,
Адьарай атамаана
Сылгы уола
Дыырай Бэргэн диэкки
Уулааҕынан-хаардааҕынан
Чал курдук
Көрөн туран,
Сургуйга аһыы барар
Тоҕустаах
Сур дьаҕыл
Соноҕос атыыр курдук
Тоҕус илии
Тордохтоох ньуурунан
Дорообото биэрэн
Ньолох гынан кэбистэ.

Ол гынан баран
Айаҕыттан акаарытын таҕаарда.

Адаардаах Ат Буурай ыллыыр:

— Аар дьаалы,
Аар-татай, оҕолоор!
Сыаканан сыһыылаах,
Холуопканан хонуулаах
Сылгы сүөһү оҕото
Дыырай Бэргэн,
Тус бэйэҕэр тобуккуттан ньуургар дылы
Дорообото тута туруй даа!

Туохха наадыйан
Туһайан тураҕын диэтэргин —
Дойдум баайа
Номоҕон Баай тойон
Оҕонньор эһэлээх,

49