Page 53 - Литература 7 кылаас 1 чааhа

Аан Алахчаан Куо ырыата:

— Көр, буо-буо,
Көөр, буо-буо-уо!
Оҕолоохой биэбэкэм,
Көрдөр хараҕым дьүккэтэ,
Иһиттэр кулгааҕым кулугута,
Этэр тылбын
Истэ-сэргии олоруй,

Үөһэ үрдүк дьүрүс
Добуун маҕан халлаан
Өрөгөйдөөх уорҕатыгар
Үктэллэнэн үөскээбит,
Соҕоруу халлаан
Луохтуур сололооҕо,
Илин халлаан
Лиэкэр эбээһинэстээҕэ,

Үрдүк үөрэхтээҕэ,
Үрүмэччи маҕан аттаах
Күн Дьирибинэ бухатыыр
Үрүҥ Айыы оҕонньор
Бастыҥ кыыһа
Үс булас
Өрүү уһун суһуохтаах
Күн Чөмчөлүүн Куоҕа
Эйиигин оҥорон кэбиспитэ.

Ону оҕонньордоох эмээхсин
Оҕобут хайтах ыарыттаҕай диэн,
Айыы дьаргыл удаҕаттар
Аҕастара буолбут
Айыы Умсуур удаҕаны
Аҕалан кыырдарбыттара,

Онуохаа удаҕан
«Оҕобут улахан ыарыыга ыарыппыт,
Атын сиргэ ильдьэн
Аччылаатахха
Сатаныыһы» диэбитэ,

Инньэ гынан кыыһы

53