Page 56 - Литература 7 кылаас 1 чааhа

лэн, Сындыыс Хара ат иччитин туһунан Дьылҕа тойоҥҥо эппитин:
«Кэлин уола быыһыа», — диэбитин, ол уола кини буоларын этэр.

Ньиргиэрдээх тиҥилэх тыаһа
Тибигирэйэн
Дьиэ ааныгар тиийэн кэллэ.

Ол кэллэ да,
Суоч-соҕотохто
Ахсынньы ый
Аҕыс саҥатыттан
Аҕыс эргэтигэр дылы
Аҕыс аарыма киһи
Аһан кыайан киирбэтэх
Аҥаат-маҥаат халҕана
Арылла баттаата да,

Арҕаһыттан тэһииннээх,
Аһыныылаах санаалаах
Айыы хаан аймаҕын
Анаарыйар аарымата,

Көхсүттэн тэһииннээх,
Көрбүөччү харахтаах,
Көмүскэллээх санаалаах
Күн айыы сиэнин
Күүстээх көрүҥнээҕэ,

Бөҕөҕө мөссүөннээх,
Хатаҥҥа хаһыаннаах,
Быһыйга быыбардаах,

Үс хос
Өҕүллүбэт үрүҥ көмүс куйахтаах,
Тура бэйэтэ
Тоҕус саһааннаах уһун,
Тумна бэйэтэ
Тоҕус ассыыннаах суон,

Уол оҕо,
Одьунаас бэрдэ
Суоч-соҕотохто
Дьиэ ортотугар
Чиккэс гына түстэ.

56