Page 54 - Литература 7 кылаас 1 чааhа

Үүт чөмчөргү
Аартык устун
Бу орто дойдуга
Кытыылыыр саастаах
Кытыт биэ оҥорон
Таҥнары үтэйэн киллэрбитэ,

Онуоха кыыс
Кытыт биэ буолан
Бу Аал Луук маһы
Үстэ эргийэ көтөн баран,
Үс ыйдаах кулуну
Кулуннаан кэбиспитэ,
Онон
Үс ыйдаах оҕону
Ытаан айаҕын
Аппаҥнаттаҕын ахсын
Бу Аал Луук мас
Араҕас илгэнэн
Айаххар
Чаллырҕаччы таммалаан
Оккураҥ бэйэҕин улаатыннарбыта,
Нуодьдьаҕай бэйэҕин тупсарбыта,

Онтон ыла
Сылгы сүөһү оҕото
Дыырай Бэргэн диэн
Ааттаммытыҥ, —
Диирин кытары
Аал Дууп мас
Иэгэҥнээн баран
Төбөтүттэн төрдүгэр дылы
Өрө бачыгыраан
Хайа ыстанарга дылы гынна да,
Хотун дьахтар
Синньигэс биилигэр дылы
Былтас гына түстэ,
Ол гынан баран
Иҥин хаана кэйдэ,
Уулаабатах улаан убаһа

54