Page 58 - Литература 7 кылаас 1 чааhа

Кэккэлэччи тутан
Иһэрдиллибит
Хобуок дуксуй,
Холбо далаан
Хобордооҕуттан куотаммын,

Үөһэ көстөр
Үс хартыгастаах
Үрдүк дьүрүс
Добун маҕан халлаанҥа
Өтөрү көтөн тахсаммын,

Аҕам ийэтигэр
Илбиргэстээх иэдэстээх,
Эбирдээх сүүстээх,
Эбэм эмээхсиҥҥэ
Иитиллэн бараммын,

Холум этэ хойдон,
Буутум этэ буһан,
Сиһим этэ ситэн,
Ытык эппин тутан,
Ырҕа дьааммын туолан,

Аллараа бөҕө альдьархайдаахтарыгар
Күөн көссөөрү,
Күрэс былдьаһаары,
Кустук курдук куоһанан,
Ох курдук умньанан
Тиийэн кэлэн турабын!

Уол ийэтиттэн Араат Мохсоҕол диэн аат ылан, алҕатан,
эмиийин үүтүн иһэн, Ытык Солуонньай тимир дьиэтигэр мох-
соҕол буолан көтөн тиийэр. Кырынаас буолан саһан киирэн
аҕатын уонна Уһуутуур Уһук Туйгуну тимир сыаптарыттан быы-
һыыр.

Араат Мохсоҕол ырыата:

— Муо-муо, көөр буо!
Дорҕоонноох саҥалаах,
Торумтуйбут бытыктаах,
Толбонноох ньуурдаах,
Тойон аҕаккаам!

58