Page 63 - Литература 7 кылаас 1 чааhа

күрүөлэнэр. Бу олоҥхо сүрүн санаата буолар. Айыы бухатыыра
киһи орто дойдуга ийэ-аҕа ууһун тэнитэр аналынан ыал буолар,
олоҕун оҥостор уруута тэриллэр, дьон-сэргэ үөрүүтүн түстүүр
уйгу-быйаҥ ыһыаҕа ыһыллар.

Ааҕыы, сэһэргэһии

Ат уола Аталамии букатыыр

(Ырыалаак олоҥко)

Орто дойдуга һуот чоготок ат олорбут. Бу ат үйэтин булаа-
ныгар каама һылдьыбыт. Кантан да төрүттэнэн үөскээбитин
билбэккэ. Бу һылдьан диэн дуумалыыр: «Бу кайтак оҥоһууга
төрөөбүппүнүй, айыыттан ыйытыыммыт киһи?»

Биир һиргэ эмэк, эргэ киһи олорбут ологун булбут. Бу гиэ-
нин дьиэтин оннутун каһа һылдьыбыт. «Мунна да һин, — диэ-
бит. — Дьон олорбут һирэ диин. Мунна олок тэриммит киһи. Бу
олоктооктор, быбаат, өйдүөктэрэ дааганы», — диир.

Бу һылдьан һүгэни булбута. Бу һүгэтинэн эргэ ологу тэрийэ
һылдьыбыта, һүһүөгүгэр туруорбута, агыс түннүктээх айдаҥ-
һайдаҥ гуорат тэриммитэ. «Дьиэлээк буоллум диэн, мантан
кайтак киһи буолар һиргэ үөскэппит айыыттан ыйытынан көрүөм
баара», — диэн уҥа кулгаагын үүһэ диэг көтөһпүтэ, каҥас кул-
гаагын һир диэг тийсэрбитэ. Бу гынан бараан айыыттан ыллаан
ыйытына турбута:

Үөскэппит Үрүн Айыы,
Миниэкэ киһи көрдүк,
Киһи буолар чааста ыйан биэр.
Орто дойдуга олороммун,
Тулаайактыйдым, чүҥкүйдүм.
Бу туһугар ыйытынабын:
Миниэкэ мускураабат,
Колбураабат олокто тэрий.
Бу тэрийэн баран,
Ого айыытына корголдьуун кургуммар
Ого кутуна коннорон кор! —

диэн ыллаабыта.

63