Page 65 - Литература 7 кылаас 1 чааhа

Икки аҥыы кааман каалбыттара.
Онтон бииргэһэ мин буолабын,
Бииргэһэ эмиэ кайа эрэ дойдуга
Олок тэринэн олоруок ыйаактаак.
Билбэтэргин
Биһиги төрүппүт итигирдик, —

диэн ыллаан бүппүт.
Киэһэлэрэ буолбут, утуйан каалбыттар. Һарсыардалара тур-

буттар. Тураннар уола һуорганыгар олорбут. Иньэтэ диир:
«Тур!» Үскэ диэри һаҥара һатаабыт, турбата. Киэһэтэ буолла,
иньэтэ утуйан каалбыт. Һол олорбута огото. Һарсыардата буол-
бут. Бу эмээксин турбут, оготун: «Һуун», — диэбит. «Тараан», —
диэбит. Огото биир истибэт, биир тылы һаҥарбат. Үс күн уста-
тыгар аһы даа аһаабакка, таҥаһы даа таҥныбакка, туогу эрэ
өйдөөбүт киһи көрдүк олорбута. Иньэтэ һылайда:

— Туок ааттаак дууманы дуумалаатыҥ? — диэн оготуттан
ыйыппыта.

Бу ыйыттагына:
— Өйү өйдүүбүн, дууманы дуумалыыбын, — диэн огото этэ
турбута.
— Һөп, аһаан-һиэн баранҥын өскүн-тылгын кэпсээр. Мин уол
огону тутуок һирэ һуокпун. Айыы биэрбитэ: аттаы төрөө диэн,
онон орто дойдуга нэһилиэт тэрийиэк дьылгалааккын.
Уол ого тура эккирээбит, һуунан-тараанан бараан аһыы
олордо. Иньэтэ эмийинэн оту булаан урааҥкай тылын эрийэ
тардар каһыһал (минньигэс ас) оҥорбута. Аһаан бүттэ.
— Дьэ иньээ, — диэбит, — омук дойдуга баран ирэбин. Омук
чөллөрүгэр тийдэкпинэ, туок диэн ааппын ыйыттактарына туок
диэк кэпсиэмий? Ааппын ааттаа! — диэн аартаһа турбута.
Инньэтэ маныга аатын ааттаабыта:
— Ат уола Аталамии букатыыр буол, — диэн.
Маныга үөрбүтэ, үөрэн бараан:
— Эн иньээ, — диэбит, — уон ыйы һүкпүтүҥ быһыытынан ба-
рар һуолбун ыйан биэр!
Маныга иньэтэ таһаара таксыбыта, күн ойуутун диэг көрөн
туран ыллыы турбута:

65