Page 67 - Литература 7 кылаас 1 чааhа

— Мин-кээ, — диэбит уола, — һу бурдук һатыы барааччыбын
дуу?

— Бэркэ, — диэбит, — атынан барыаккын багардаргын мии-
гин һүл, — диэбит. — Бу һүллэккинэ, туок таксыагай, тириибин:
«Алла-булла кутуруктаах айаас атым!» — диэн бараҥҥын, алча-
йан миинэн бараҥҥын, пустой тириини кымньыылыы тур. Киһи
буолуок чаастаак буоллаккына, ат буолан туруога, — диэбит.

Иньэтин тириитин кастаан ылбыт. Кастаабыта каана-этэ
кууран эрэр, эмээксин буолан эрэр кыыс дьактар иһиттэн так-
сыбыта. Тириитин: «Ааттаак дойдуга айаннаан эрэбин, ырбат
тыҥалаак айаас атым буол!» — диэн һамактыы миинэн баран
кымньыылыы турбута. Төһөгөй даа эрэйдээбэтэ, ат буолан тур-
бута. Айыы дойдутун диэг атаралатан испитэ. ¤айыны буол-
лагына һамыырынан билэр, кыһыны буоллагына кырыатынан
билэр. Бу ыран-һылайан истэгинэ, үс өттүтгэн тумус таастар
турбут дойдуларыгар тийэн испитэ.

Чугаһаан кэлбитэ, гуорат турар. Күн диэги ааныгар көтүө-
лэтэн кэлбитэ. Түһэ эккириэбит, одуулаан көрбүтэ: ат баайар
тогоһо турар, атын иилэ оксубута. Киирэн кэлбит; эмээксин
олорор:

— Дорообо! — диэбит.
Эмээксин диэбит:
— Кайдиэги огокоон кэллиҥ? Туньактаах чугуйбатак дойду-
тугар, айыы ураанкайа олук суол оксубатак сиригэр кайдиэ-
гиттэн, каннык һилистээк-төрүттээк кэллиҥ? Бэрт кэрэкээнник
кэпсээ, һаатыма даа, толлума даа, кыбыстыма даа, — диэбит.
Маныга уол туран ыллыы турбута, иньэтэ кэпсээбит төрүтун
кэпсии турбута. Кэпсэлин уһуга буолан: «Ат уола Аталамии бу-
катыырбын», — диэн аатын кэпсээбитэ.
Маныга эмээксин ыстанан турбута:
— Огокооммун нии, миниэнэ балтым оготогун эбит! Барар
һуолгун кэпсээн биэр, ыйан биэриэм. Мантан инни диэг айыы
дойдугар бэрт каналгалаак һирдэр бааллар, мүскүөрдээх дьон-
нор бааллар, олор миэрэлэрин билэгин дуо?
Маныга уол:
— Һуол аҥар-аҥар һирдэрин таайарга дылыбын. Мантан ба-
рар көнөр агай һуолбун кэпсээ. Бу таас тумустар, көрдөкпүнэ,
үйэлэрин булааныгар үүммүттэриттэн кыттыһа-аракса турал-

67