Page 64 - Литература 7 кылаас 1 чааhа

Тогус күн устата олорбута, үһүс үс күнүгэр таһаара таксы-
быта, дьиэтин таһыгар агыс һүһүөхтээх эчики отун аһыы сыл-
дьыбыта. Бу һылдьан көрбутэ, каччага дааганы һиэбэтэк тогус
һүһүөктээх тойон от турбута. Маныга дуумалыы турбут: «Качча-
га да һиэбэтэк отум диин, бу оту һиэтэкпинэ дьүрү өлүөм эбитэ,
дьүрү киһи буолуом? Ити иккиттэн биирэ багас һин таксыага
буоллага», — диэн бу оту төрдүттэн, һилиргэгиттэн каһан ылан,
баар дааганы һалаатын, һилиһин быспакка ылбыта. Бу гынан
баран дьиэтигэр килэрэн һии турбута.

Һиэн бүтэн утуйбута, утуйан туран, бэйэтин одууламмыта:
«Уодаа! — диэбит. — Туогуй бу эргэ миэрэбиттэн того атын бэ-
йэлэнним. Каччага даганы куртагым түгэгэр конуксуйбатага,
кайтак да оту һиэтэкпинэ», — диэн, бэйэтин дьибиистэнэ олор-
бута. Төһөҥөй даа олорбото, бу ат ис ыарыыта буолла, кыра-
баатыгар киһилии төкүнүҥнүү һыппыта, уһугуттан быары бигэм-
митэ. Ого һага һиир абааһылаак эбит.

Кас даа үйэни олорбутун билбэтэгэ, төһө даа буолумуйа,
быарын ыарыыта, кэмэ кэлэн таксар күнэ буолан, таксыбыта.
Таксыбытыгар, этиҥ ыарыытыгар куттаммычча, көтөн каалбы-
та. Үс күн устатыгар көтө һылдьыбыта. Көтөн атага һылайда.
Дьиэтигэр кэлбитэ, һулууда түннүгүн һупту одуулаан көрбүтэ,
олорбут оронугар ого ытыы һытар. Дьиэтигэр көтөн киирбитэ,
бу огону һалынын һалыы сыппыта. Ат киһи аттыы амарыйан
ииппитэ.

Олоҥко огото киһи өр буолуо дуо?! ¤үүрэлии һылдьар кэмэ
буолбут, һаҥаны һаҥарар кэмэ буолбут. Биирдэ таһаара оон-
ньуу һылдьыбыт. Ойноон бутэн киирбит. Бу киирэн иньэтин
одуургаабыт.

— Иньээ, — диэбит, — эн того түөрт атактааккыный, миэкэ
дылы того икки илиилээк, икки атактаак буолбатааҥый? Того
түүлээккиний, миниэкэ дылы того һыгыньак буолбатаҥый?!

Иньэтэ манна ырыа ылламыыт:

Орто дойдуга айыы аты түһэрбитэ.
Бу ат каама һылдьыбыта.
Айыы киһититтэн дьактар ылбыта,
Мунтан икки тыһы ат төрөөбүттэрэ.
Булар атактарыгар уйдардылар даа,

64