Page 61 - Литература 7 кылаас 1 чааhа
P. 61
АЙАР, АЙЫМНЬЫЛААХ ҮЛЭ
Бэриллибит сорудахтартан талан толоруҥ:
1. Олоҥхоттон сөбүлээбит түгэҥҥитин талан уруһуйдааҥ. Хо-
лобур, »Бухатыыр ата», «Бухатыыр атын киэргэлэ» эбэ-
тэр «Айыы уонна абааһы бухатыырдарын дуолан охсу-
һуута», о.д.а.
2. Олоҥхо уус-уран ньымаларын (уус-уран быһаарыы, омун-
наан этии, тэҥнээһин, о.д.а) холобурдаан, «Олоҥхо тыла»
диэн иһитиннэриитэ бэлэмнээҥ.
3. «Дыырай Бэргэн» олоҥхо ис хоһоонун кэпсиир торуму оҥо-
руҥ.
ЧИНЧИЙЭР ҮЛЭ
«Дыырай Бэргэн» олоҥхоҕо мультфильм оҥорорго ханнык каа-
дырдары киллэрэри быһааран, сценарийын оҥоруҥ.
Билиэн-көрүөн баҕалаахтарга
«Дыырай Бэргэн» диэн ааттаах олоҥхолор саха норуоту-
гар үгүстэр, хас да көрүҥэ улуустарга баара биллэр. Холобур,
Мэҥэ Хаҥаласка И.И. Бурнашёв — Тоҥ Суорун уонна Аммаҕа
Г.К. Васильев суруйбуттара. Маны таһынан сылгыттан төрүттээх
бухатыырдар тустарынан атын ааттаах-суоллаах айымньылар
эмиэ архыыпка баалларын чинчийээччилэр этэллэр. Ол курдук,
Н.С. Семёнов «Биэ уола Бэйбэлдьин» диэн олоҥхото буолар.
Сылгы төрдүлээх бухатыырдар сырыыларын ойуулуур айым-
ньылар долганнар олоҥхолоругар («Ат уола Аталамии букатыыр»
олоҥхо) көстөр, ону тэҥэ былыргы Индия мииптэригэр, соҕуруу
славяннар, башкирдар эпостарыгар көстөр. Бу айымньылар но-
руот итэҕэлин (тотемизмы) уонна сиэрин-туомун көрдөрөллөр.
61
