Page 60 - Литература 7 кылаас 1 чааhа
P. 60
? Ыйытыылар уонна сорудахтар
1. Одун биис оҕонньор ыйааҕынан Дыырай Бэргэн бухатыыр
туох соруктаах орто дойдуга кэлбитий? Олоҥхо тылыгар чу-
гаһатан хоруйдааҥ.
2. Араат Мохсоҕол уонна абааһы бухатыырын тас дьүһүннэрин
ырытыҥ. Бу ойуулааһыннарга норуот тугу өрө тутара, тугу
сыаналыыра көстөр дуо?
3. Айыы уонна абааһы бухатыырдарын күөн көрсүһүүлэригэр
туох үгэс баарын бэлиэтии көрдүгүт?
4. Тойон Чуучустаан бухатыыр майгытын туһунан туох диэн
санааҕа кэллигит?
5. Тойон Чуучустаан эһэлээх эбэтин мындыр толкуйдара хан-
нык түгэҥҥэ көһүннэ?
6. Араат Мохсоҕол дьылҕатын туһунан туох диэн туоска сурул-
лубутуй, биэдэмэскэ этиллибитий?
7. Араат Мохсоҕолтон эһиги холобур ыларгыт баар дуо? Хан-
нык түгэннэргэ?
8. Олоҥхоҕо алгыс ханнык түгэннэргэ этиллэрий? Тоҕо?
Тыыннаах тыл
Олоҥхо аатын туһунан кэпсэтиҥ. Ойуунускай туох диэн бы-
һаарбытый? Ол туһунан олоҥхоҕо суруллубуту булан ааҕыҥ.
Олоҥхону биир дойдулааххыт эбэтэр бииргэ үөрэнэр доҕор-
гут толоруутугар истиҥ.
Сөбүлээбит кэрчиккитин өйтөн ааҕарга үөрэниҥ.
Уруок кэнниттэн
«Саха Боотурдара» серия 6-с туомугар У. Г. Нохсоороп
«Дыырай Бэргэн» олоҥхотун латыынныы сурукка түһэрбитин
кыыһа Люция Устиновна кириллицаҕа көһөрбүтүнэн бэчээттэм-
митин ааҕыҥ. Киириитин, быһаарыылары, ыйынньыктары бил-
сэн тэтэрээккэ бэлиэтэниҥ.
60
