Page 69 - Литература 7 кылаас 1 чааhа

Орто дойдуга
Омуктан ого төрөөтүм.
Омук дьоно күлүөктэрин
Баран ирэбин.
«Аттан дааганы айыы огото төрүүр эбит», — диэн,
Айактарын ата-ата күлүөктэрин,
Көбүс-көтүүн баран ирэбин.
Тыыннаак эргиллэн кэллэкпинэ,
Бу дойдуну олок гынан олоруом.
Орто дойду киин тоһогото
Бу эбит диэн,
Каракпынан көрдүм,
Өйбүнэн таайдым,
— диэн ыллыы турбута.
Ырыата бүтэн, тимир чааркаан аттаак киһи батар көрдүк
арынан биэрбитэ. Иччилээк букатыырдар, ыллаан доргуппут-
тарыгар уҥан-таалан биэрбиттэригэр таксан көппүтэ. Күн диэ-
ги көмүс дьирбиитин ирдээн испитэ. Дьирбиитэ элэхэ буолан
бука бараммыт уһугар һынньанан турбута. Маныга конон баран:
«Букатын һыта-һымара һуок һыгынак буол», — диэн, тэбэн кээс-
питэ. Агыс һалаалаак алтан кымньыытын: «Агыс һүһүөктээк ат
һиир ото буол», — диэн тэбэн кээспитэ. Көнтөһүн: «Көмүс от
һилиһэ буол», — диэн бараан ууран кээспитэ. «Бэйэм обургу,
ураанкай таайбат, таастан араарбат одуу тааһа буолуом», —
диэн баран, чэкэнийэ һыппыта. Эппитин көрдүк биир да тыла
һыыспакка һыппыта.

Тылбытын байытабыт

Эчики от — боруу от.
Каналгалаак — ыарахан, мэһэй.
Кэрискэни (кэрискэ) — туундараҕа хайа субулла сытара.
Нэһилиэт — нэһилиэк.

69