Page 74 - Литература 7 кылаас 1 чааhа

Киннэр дьиэлэрин ыксатыгар ураты дьиэҕэ ийэм аҕата ийэтэ
икки кырдьар саастарыгар тийэн олорбуттара.

Эдьигэҥҥэ даҕаны аара даҕаны мин биирдэ киэҥ хонууну
биирдэ ыраас сири көрө илигим. Мин көрөрүм соҕотох килбэ-
йэр күөх киһи хараҕа тийбэт усталаах өрүс уутун үрдүн биэтэр
бу уу икки өттүнэн бысталанымна торуйан турар таас хаадьа
буор хайалары мэлдьи үрдүлэриттэн анныларыгар диэри киһи
хараҕа хоппот түҥ ойур маһынан сабыллан туралларын. Мин
кулгааҕым хаһан да истибэтэҕэ тураҕас күүгэс ырыатын биэтэр
ыллыыр чычах саҥатын, мин истэрим соҕотох хара суор турах
икки саҥатын биэтэр хаһан эмиэ тыа чарыаһын бычыгнайыы-
тын. Оттон көрөрүм соҕотох сыта суох уолба отун.

Бу гэннэ бэйэҕит холуон көрүҥ төһө мин сөҕүүм бэрдин, бу
Киллэм диэн дойдуга үктүөн баран. Мин харахпар аһыллыбыта
көстөн ордук туоралаах хас да көс усталаах күөх унаар бэйэлээх
уу үрдүн курдук тэҥ ыраас хонуу. Эгин диэн дүһүннээх аахсыы-
та суох элбэх отун төбөтө күөх биэтэр саһархай торҕону тэлгэп-
пит курдук буолан көстүбүтэ. Онно манна хойуу титирик биэтэр
хатыҥ ойдор уус киһи илиитинэн олорппутун курдук үүнэн ту-
раллара. Хонуу хаба ортотунан хара сыырдаах киэҥ үрэх ыраас
кумаҕын устун кирэ суох сүрүктээх уу элэҕэччийэ турара. Бу
үрэх уҥуоргу өттө үрдүк хойуу аһылыктаах охсуллар отунан
үүнэн турара. Бу сирдэргэ сүүһүнэн аахсыылаах дьон оту охсо
турар хатыырдара күн уотуттан үрүҥ көмүс курдук килбэччийэ
турбуттара. Хонуу киэбин устатыгар аахсыыта суох сылгы ынах
сүөһү туохтан да куттанымна көҥүл дьарбайан аһыы сылдьалла-
ра. Бу хонууга уоннуу биэстии үрүҥ буор сыбахтаах Саха дьиэ-
лэрэ биэтэр килбэҕир маҕан моҕол ураһа дьиэлэрэ суруллубут
курдук көстөллөрө. Балаҕаттар сүлүдэ биэтэр таас түннүктэрэ
ыраахтан күндүү таас курдук күн уотуттан кылабаччыйа турал-
лара. Уһугар бу хонуу үрдүк томторугар биһиги дьиэбит үрдүк
булгунньах курдук томтоллон турбута.

Бу барыта кыттыһан мин харахпар тылынан этиллибэт үчү-
гэйинэн уһуга суох киэҥинэн көстүбүтэ, хайтаҕы оол иннинэ
мин оҕо мэйим сатаан санаабар киллэрбэтэ. Көстүбүтэ: соҕо-
тох бу сир күн анныгар кэмэ суох киэҥ баара; оол санаабыттан
мин үтүө үөрүүм тылынан этиэхтэн түктэрии баара.

Бу сиргэ кэлэрбитин гытта биһиги дьиэбитин сор булбута:

74