Page 76 - Литература 7 кылаас 1 чааhа

киһи киниэхэ иэһин ахтыаҕын саатара, кинини туох эмиэ үчүгэй
суолунан биэтэр үлэтинэн үөрппүт киһи бэйэтин оол күн дьол-
лооҕунан ааҕынара.

Бу аҕам өлбүтэ миэхэ эмиэ бэрд санааны оҥорбута. Мин бу
тылынан эппэппин соҕотох оҕо хараҕын өтөр астар уутун: мин
этэбин оол санарҕыыр күүһүн, ханнык улахан да киһи сүрэҕин
хаанынан кутар. Субу күнтэн төрүттэммитэ оол сордоох тимир
быа, ханнык бу аныгы сааһым устатыгар диэри быстымна күн
дьыл аайы арай элбээн уһаан испитэ.

Өлбүтү гытта ким да өлбөт, тыыннаах тыыннааҕы саныыр.
Ийэм маҥнайгы санарҕыыр санаатын тарҕатан баран маҥнай
дьиэтин олоҕор түһэрбитэ, оол гэннэ биэс сыл Киллэмҥэ олор-
буппут устатыгар сүөһүтүн балай эрэ элбэппитэ.

Бу Киллэмҥэ олорбут олохпут үөрүүтэ суох баара. Оччотоҕу
тымныы ыраас иччитэх сиргэ киһини таһырдьа таһаарбат баара:
биэс ыйга биһиги ханна да сылдьыбат баарбыт. Мийигин сарсын
эрдэ эһэм сурукка үөрэтэрэ, киэһэ ийэбэр таҥара суругун ааҕа-
рым, биэтэр кини мин санаабын салайара таҥараны таптыырга,
ырахтаҕыны ытыктыырга, дьадаҥыыны харайарга сымнаҕас са-
нааҕа киһини атаҕастаабакка биир тылынан оол үтүө майгыга,
ханныгы таҥара суруга биһиэхэ хуолу уурар. Мин ийэбин холо-
бура суох таптыырбыттан бэйэм да төрүөбүт майгыбыттан бу
кини эппит тылларын биирдэрин да түһэримнэ истэрим.

Бу гурдук олорон биһиги элбэх Саханы гытта билсибип-
пит. Бу Сахалар мийигин төрүөбүттэрин курдук таптаабыттара,
мин да киннэри сүрэхпинэн таптаабытым. Оол гурдук киннэ-
ри таптаан мин киннэр тылларыгар ситэ үөрэммитим, олорор
олохторун санааларын майгытын ситэ билбитим, олоҥхолорун
ырыаларын таабрыҥнарын былыргы сурах тылларын баҕаран
таптаан истэрим, ыһыахтарыгар урууларын курумнарыгар дьон-
норун мунньахтарыгар баҕабынан сылдьарым, сайын ойнуур
ойнууларыгар кыттыһарым.

Иннэ гынан бэйэм даҕаны киннэр идэлэригэр ситэ үөрэмми-
тим: быһыйбынан даҕаны чэмчэкибинэн даҕаны ханнык да боҕ-
дочон Сахаттан хаалбатым. Саха да үрэр да саанан ытарбынан
ааттаах баарым, халан аты миинэн киэҥ хонуу киэбинэн тыал
курдук сылдьарбын хайаҕалга уураллара, ат бэлиэтинэн күүһүн

76