Page 77 - Литература 7 кылаас 1 чааhа

аллаҕын быһыйын эрин алҕаһа суох билэрим, ынах сүөһүнү
көрөөт үтүөтүн куһаҕанын чинчиитэ суох билэрим.

Маннык бары кыра суолу анньа ахтарбыттан эр киһитэҕэр
буолуох бары Саха эмээхсинэ эдэр йахтара оҕото мийигин киһи
итэҕэйиэҕэ суоҕун курдук таптыыллара. Оол курдук Сахаҕа тап-
татан итэҕэлигэр киирэн баран мин киннэр санааларыттан туо-
раны оҥоруохпун түктэрии баара, бу суолга дьоҕурдааҕым да
баҕалааҕым да буоллар.

Бу сир күөллэрэ сайын устата эгин кус ууһунан, учугас ой-
доро тыалара куобаҕынан уларынан бочугураһынан хабыйаха-
нынан толору буолаллара. Саас буус устуута күһүн, бу бары
көтөр оҕотун көтүтэн баран төттөрү ичигэс сирдэргэ көтөрүн
сааҕына, хаас кус куба туруйа кыталык игин ааттаах кыра көтөр
саҥатыттан киһи утуйарыттан ааһара.

Мин уон ордуга биирдээх иккилээх сааспыттан оччо көтөрү
өлөрбүтүм, төһөнү бэрд аҕыйах киһи өлөрбүтэ буолуоҕа. Мин
ытарым баҕатыттан төһө да ыраах сир учугаһынан көстөрө, үстүү
төгүрүк күҥҥэ утуйумна ытарбын эрэйгэ аахпат баарым, сыла-
йар сылааны хаһан да билбэтим. Күһүн түүн хараҥата ааһарын
көһүтэ нилчэҕэй сиргэ дүлүҥү сыттанан суорҕана тэллэҕэ суох
халтан таҥаһынан, тыаллаах хаар самыр икки үрдүбэр түһэ тур-
даҕына, утуйарым; биэтэр баҕадьылыыр кумахха түүнү мэлдьи
тымныы ууну кэһэн сылдьан балыгы булттуурум. Оол гурдук
бэйэбин оҕо эрдэхпиттэн эрэйгэ үөрэппитим миэхэ хойут туһа-
лаах баара.

Оол гурдук олорон хойуккутугар гуоракка олоруох кыһалҕат-
тан ийэм Киллэмҥэ олорбут дьиэтин көтүрэн гуоракка көһөрөн
бу манна талан ылбыт үтүө сиригэр туруорбута. Бу үлэ бүтүөҕэр
диэри мин үөрэхпин уһаппытым.

Уон ордуга алтыс сааспар ыраахтаҕы суруйар үлэтигэр тур-
бутум Дьокускай тутаах сиригэр. Манна биһигини салайаччы
биир тойон баара Н. Н. ааттаах. Бу тойон төрүтэ суох бэйэтэ
суругу оччотоҕу майгынан үчүгэй аҕайдык билэр буолан киһиэ-
хэ кыһалҕалааҕынан ааттанара. Бу дьолугар олорон кини киһи
эрэйин биир да харчыга уурбата. Кини ыйаҕынан биһиги хас
күннэтэ сарсын эрдэҥҥиттэн аһыырга диэри тоҕустуу аһаабыт
гэннэ түүҥҥэ диэри аҕыстыы барытын уон ордуга сэттэлии күөс
быстыҥын супту олорон суруйарбыт. Бу эрэйбит иһин ыйга

77