Page 39 - Литература 7 кылаас 1 чааhа

Намылытан кэбиспит курдук
Мотуок солко мутукчалаах,

Сэниэ ыал
Сиэдэрэй нэлэгэр
Тэтиҥ тэриэлкэтин
Тиэрэ ууран
Кэбиспит курдук
Нэлин көмүс сэбирдэхтээх,

Чорооньньук
Тумулуку оҕонньор оҥорбут
Бастыҥ чороон айаҕын
Сиэллээн-мооньньохтоон
Ситэрэн-киэргэтэн баран,
Таҥнары ыйаан
Намылытан кэбиспит курдук
Лоҥкур көмүс туорахтаах
Үрдүк үтүө мас
Үүнэн-үөскээн,
Ситэн-хотон,
Тыынан-тыаһаан,
Тыыллан-хабыллан
Торуой ыырай дойду
Соҕотох чулуута-уһуна,
Аан ийэ дойду
Аҥаардас аарыма суона,
Сир ийэ дойду
Киинэ-тоһоҕото буолан
Турбут эбитэ үһү…
Маннык үрдүк үтүө мас
Мутуга муораҕа тиийэн,
Силиһэ Лаамыга тиийэн,
Ситэн-хотон,
Сириэдийэн тиэстэн,

Дьааҥы тоҥуһун
Хотун дьахтара
Лаглаччы таҥнан баран
Наҥналлан турарын курдук
Ситэн-хотон,

39